ថ្មីៗនេះ ក្រុមហ៊ុន LG Electronics បានទទួលពានរង្វាន់ «អ្នកដឹកនាំនៃវិស័យឧស្សាហកម្ម» (Industry Group Leaders) នៅក្នុងការប្រកួតប្រជែងទៅលើផ្នែក Consumer Durables & Apparel Industry Group
ថ្មីៗនេះ ក្រុមហ៊ុន LG Electronics បានទទួលពានរង្វាន់ «អ្នកដឹកនាំនៃវិស័យឧស្សាហកម្ម» (Industry Group Leaders) នៅក្នុងការប្រកួតប្រជែងទៅលើផ្នែក Consumer Durables & Apparel Industry Group ដោយទទួលបានការវាយតម្លៃពី DJSI (Dow Jones Sustainability Indices) លំដាប់ពិភពលោករយៈពេល3ឆ្នាំជាប់ៗគ្នា។
ពានរង្វាន់ «អ្នកដឹកនាំនៃវិស័យឧស្សាហកម្ម» ត្រូវបានផ្តល់ទៅកាន់ក្រុមហ៊ុនដែលល្អជាងគេបំផុតទៅក្នុងវិស័យឧស្សាហកម្មទាំង24 ដោយសហការជាមួយនឹងស្ថាប័ន DJSI។ ក្រុមហ៊ុន LG Electronics បានទទួលពិន្ទុខ្ពស់សម្រាប់ការគ្រប់គ្រងនឹងច្នៃប្រឌិតនៅក្នុងការវិនិយោគទុន R&D, ការគ្រប់គ្រងទៅលើសាខា, ប្រតិបត្តិការដ៏មានប្រសិទ្ធភាព, ការគ្រប់គ្រងទំនាក់ទំនងជាមួយនឹងអតិថិជន, ការឆ្លើយតបទៅនឹងការផ្លាស់ប្តូរដ៏មានប្រសិទ្ធភាព, ការគ្រប់គ្រងទៅលើសារធាតុគ្រោះថ្នាក់, ការរួមចំណែកកិច្ចការសង្គម និងការចូលរួមរបស់ភាគីពាក់ព័ន្ធ។
ក្រុមហ៊ុន LG គឺជាក្រុមហ៊ុនតែមួយគត់របស់ប្រទេសកូរ៉េខាងត្បូង ដែលស្ថិតនៅក្នុងបញ្ជីនៃ «អ្នកដឹកនាំនៃវិស័យឧស្សាហកម្ម» នៅឆ្នាំនេះ ហើយជាក្រុមហ៊ុនមួយក្នុងចំណោមក្រុមហ៊ុន3ធំៗនៅអាស៊ី ដែលទទួលបាននូវកិត្តិយសនេះ។
ការអភិវឌ្ឍដោយ S&P Dow Jones និង RobecoSAM អ្នកជំនាញវិនិយោគផ្តោតទាំងស្រុងទៅលើការវិនិយោគប្រកបដោយនិរន្តរភាព ហើយស្ថាប័ន DJSI មានតួនាទីក្នុងការតាមដានទៅលើក្រុមហ៊ុនដែលនាំមុខគេនៅទូទាំងពិភពលោក ដោយធ្វើការវិភាគទៅលើស្ថានភាពរបស់ក្រុមហ៊ុន កិច្ចការងារសង្គម និងអភិបាលកិច្ចរបស់ក្រុមហ៊ុន។ គួរបញ្ជាក់ផងដែរថា វាមានតែក្រុមហ៊ុនធំៗមួយចំនួនប៉ុណ្ណោះ ដែលអាចឈរនៅចំណាត់ថ្នាក់កំពូលទាំង10នៃស្ថាប័នមួយនេះ ហើយលទ្ធផលនឹងធ្វើការប្រកាសជារៀងរាល់ឆ្នាំនៅខែកញ្ញា៕
ចែករំលែកព័តមាននេះ