ផ្លូវរថភ្លើងចាស់ទ្រុឌទ្រោមនៅស៊ុយអែតបន្ថយល្បឿនបើកបរ
AFP ផ្សាយថាអង្គភាពផ្នែកដឹកជញ្ជូនស៊ុយអែត «Trafikverket» បានដាស់តឿនដល់សាធារណជននៅក្នុងសេចក្តីថ្លែងការណ៍មួយកាលពីថ្ងៃទី១២ កញ្ញា ២០១៦ ថាប្រព័ន្ធផ្លូវរថភ្លើង សញ្ញាចរាចរណ៍
AFP ផ្សាយថាអង្គភាពផ្នែកដឹកជញ្ជូនស៊ុយអែត «Trafikverket» បានដាស់តឿនដល់សាធារណជននៅក្នុងសេចក្តីថ្លែងការណ៍មួយកាលពីថ្ងៃទី១២ កញ្ញា ២០១៦ ថាប្រព័ន្ធផ្លូវរថភ្លើង សញ្ញាចរាចរណ៍ និងស្ពាននៅលើខ្សែផ្លូវសំខាន់ៗចំនួន៦៩ស្ថិតក្នុងសភាពទ្រុឌទ្រោម ធ្វើឱ្យការបើកបរក្នុងល្បឿនលឿនប្រឈមមុខនឹងគ្រោះថ្នាក់ ។
លោកបេន អូលសុន អ្នកនាំពាក្យ Trafikverket ឱ្យដឹងថាក្រោយពីត្រួតពិនិត្យបានប្រទះឃើញចំណុចរេចរឹល ដូច្នេះអង្គភាពសម្រេចចិត្តបន្ថយល្បឿនរថភ្លើងភ្លាម ។ កាលពីខែមិថុនា «Trafikverket» បានណែនាំឱ្យរថភ្លើងបន្ថយល្បឿនដែលរត់នៅលើផ្លូវពីក្រុងស្តុកខូល ទៅហ្គោតេនប៊ើកជាទីក្រុងរបស់ប្រទេសឱ្យមកនៅត្រឹម១៣០គីឡូម៉ែត្រក្នុងមួយម៉ោង ដោយថយពី២០០គីឡូម៉ែត្រក្នុងមួយម៉ោង ។
លោកស្រីម៉ាលីន ហាលហ្គ្រេន អ្នកនាំពាក្យរបស់ក្រុមហ៊ុនរថភ្លើងដឹកអ្នកដំណើរ «SJ» និយាយថាក្នុងបទដ្ឋានថ្មីតម្រូវឱ្យរថភ្លើងល្បឿនលឿនពីក្រុងស្តុកខូលទៅហ្គោតេនប៊ើកបង្កើនពេលវេលាពី១០ទៅ២០នាទីដែលបច្ចុប្បន្នមានរយៈពេល៣ម៉ោងនិង២០នាទី ។
ស៊ុយអែតជាប្រទេសដែលមានបណ្តោយប្រហែល២០០០គីឡូម៉ែត្រ និងទទឹង៥០០គីឡូម៉ែត្រ មានផ្លូវរថភ្លើងប្រវែងសរុប១២០០០គីឡូម៉ែត្រ ។ ស្ថានភាពអាកាសធាតុត្រជាក់ខ្លាំងស្ថិតនៅរដូវរងាផ្តល់ផលប៉ះពាល់ដល់គ្រោងសំណង់ផ្លូវរថភ្លើង ធ្វើឱ្យឧបករណ៍នានាកាន់តែឆាប់ចាស់ ។ កាលពីឆ្នាំមុនរដ្ឋាភិបាលស៊ុយអែតបានប្រកាសបែងចែកប្រាក់ច្រើនជាង៤០០០លានក្រូន័រ(ប្រាក់ស៊ុយអែត) ដើម្បីជួសជុលបណ្តាញផ្លូវរថភ្លើងអាចរត់ក្នុងល្បឿនលឿនជាប្រក្រតីវិញនៅឆ្នាំ២០១៨ ៕
ចែករំលែកព័តមាននេះ