អណ្តាតភ្លើងឆាបឆេះឃ្លាំងអេតចាយយ៉ាងសន្ធោសន្ធៅ
- ភ្នំពេញ
គ្គិភ័យមួយបានបង្កឡើងដោយសារការឆ្លងចរន្តអគ្គិសនី បណ្តាលឱ្យឆាបឆេះក្រដាស់កាតុងនៅក្នុងឃ្លាំងស្តុកអេតចាយមួយកន្លែង បង្កឲ្យមានការភ្ញាក់ផ្អើលដល់អ្នករស់នៅជិតខាង រួមទាំង
គ្គិភ័យមួយបានបង្កឡើងដោយសារការឆ្លងចរន្តអគ្គិសនី បណ្តាលឱ្យឆាបឆេះក្រដាស់កាតុងនៅក្នុងឃ្លាំងស្តុកអេតចាយមួយកន្លែង បង្កឲ្យមានការភ្ញាក់ផ្អើលដល់អ្នករស់នៅជិតខាង រួមទាំង
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា អគ្គិភ័យមួយបានបង្កឡើងដោយសារការឆ្លងចរន្តអគ្គិសនី បណ្តាលឱ្យឆាបឆេះក្រដាស់កាតុងនៅក្នុងឃ្លាំងស្តុកអេតចាយមួយកន្លែង បង្កឲ្យមានការភ្ញាក់ផ្អើលដល់អ្នករស់នៅជិតខាង រួមទាំងអាជ្ញាធរ និងសមត្ថកិច្ចចេញអន្តរាគមន៍ ហើយក៏មានរថយន្តជិត៣០គ្រឿងចេញទៅបាញ់ទឹកពន្លត់ ទើបរលត់ទៅវិញទាំងស្រុង។ ហេតុការណ៍នេះ បានកើតឡើងកាលពីវេលាម៉ោង៩ព្រឹក ថ្ងៃទី១ ខែមេសា ឆ្នាំ២០២២ មាននៅចំណុចឃ្លាំងអេតចាយ ស្ថិតក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
បើតាមនគរបាលបានប្រាប់ឲ្យដឹងថា ឃ្លាំងអេតចាយខាងលើ សង់អំពីថ្មប្រក់ស័ង្កសី មានទំហំ២០ម៉ែត្រគុណនឹង៥០ម៉ែត្រ ដែលជាកម្មសិទ្ធិរបស់ឈ្មោះ ឡេង លឹមអៀង ភេទប្រុស អាយុ៤២ឆាំ្ន។ ហើយនៅក្នុងឃ្លាំងនោះ មានស្តុកអេតចាយជាច្រើនតោន ហើយនៅមុនពេលកើតហេតុ មានហេតុការណ៍ឆ្លងចរន្តអគ្គិសនីបង្កជាអណ្ដាតភ្លើង ទើបបណ្ដាលឲ្យឆេះក្រដាស់កាតុងអេតចាយយ៉ាងសន្ធោសន្ធៅតែម្ដង។
ប្រភពដដែលបានបន្តថា ភ្លាមៗនោះ អាជ្ញាធរ និងសមត្ថកិច្ចបានចេញអន្តរាគមន៍ ហើយក៏មានរថយន្តជិត៣០គ្រឿង ក្នុងនោះមានរថយន្តពន្លត់អគ្គិភ័យក្រុមហ៊ុន OCIC ទីក្រុងកោះពេជ្រ ចំនួន៣គ្រឿង ប្រើប្រាស់ទឹកអស់៣ឡាន សើ្មនឹង១២ម៉ែត្រគូប។ រថយន្តពន្លត់អគ្គិភ័យក្រុមហ៊ុនស្រាបៀរកម្ពុជា ១គ្រឿង ប្រើប្រាស់ទឹកអស់៣ឡាន សើ្មនឹង១៨ម៉ែត្រគូប។ រថយន្តពន្លត់អគ្គិភ័យសួនឧស្សាហកម្មកាណាឌីយ៉ា ១គ្រឿង ប្រើប្រាស់ទឹកអស់៣ឡាន សើ្មនឹង១២ម៉ែត្រគូប។ រថយន្តការិយាល័យបង្ការ សង្គ្រោះ និងពន្លត់អគ្គិភ័យចំនួន១៩គ្រឿង ប្រើប្រាស់ទឹកអស់៥៧ឡាន ស្មើនឹង២២៨ម៉ែត្រគូប ។
ប្រភពដដែលបន្ថែមទៀតថា ហើយនៅក្នុងហេតុការណ៍អគ្គិភ័យនេះ ក៏បានប្រើប្រាស់គ្រឿងចក្រកាយផងដែរ រហូតដល់វេលាម៉ោង១១ព្រឹកថ្ងៃដដែល ទើបភ្លើងរលត់ទៅវិញទាំងស្រុង និងពុំបណ្ដាលឲ្យឆេះរាលដាលដល់លំនៅដ្ឋានអ្នកផ្សេង ឬមានអ្នករងរបួសដោយសាររលាកភ្លើងឡើយ៕
ចែករំលែកព័តមាននេះ