ខេត្តកណ្តាល ៖ រឿងគួរឱ្យហួសចិត្តបំផុត ដែលបុរសជាឪពុកក្មេកបានប្រើឧបាយកល ដើម្បីចង់បានម៉ូតូរបស់កូនប្រសាប្រុសយក ទៅបញ្ចាំយកលុយចាយ ក្រោយមកត្រូវសមត្ថកិច្ចទទួលពាក្យបណ្តឹងតាមស្រាវជ្រាវរហូតចាប់ខ្លួនបាន កាលពីព្រឹកថ្ងៃទី១៤ កញ្ញា ២០១៦ ។
ខេត្តកណ្តាល ៖ រឿងគួរឱ្យហួសចិត្តបំផុត ដែលបុរសជាឪពុកក្មេកបានប្រើឧបាយកល ដើម្បីចង់បានម៉ូតូរបស់កូនប្រសាប្រុសយកទៅបញ្ចាំយកលុយចាយ ក្រោយមកត្រូវតាមស្រាវជ្រាវរហូតចាប់ខ្លួនបាន កាលពីព្រឹកថ្ងៃទី១៤ កញ្ញា ២០១៦ ។
ប្រភពឱ្យដឹងថា ជនសង្ស័យខាងលើឈ្មោះភុំ ភន ភេទប្រុស អាយុ៤៦ឆ្នាំ (ត្រូវជាឪពុកក្មេកជនរងគ្រោះ) ជាកសិករ មានទីលំនៅក្នុងភូមិតាគល់ ឃុំក្រាំងយ៉ូវ ស្រុកស្អាង ខេត្តកណ្តាល ក្នុងនោះត្រូវកម្លាំងដកហូតវត្ថុតាងម៉ូតូ១គ្រឿងម៉ាកហុងដាសេ១២៥ ពណ៌
ខ្មៅ ស៊េរីឆ្នាំ២០០៧ គ្មានស្លាកលេខ ។ ចំណែកជនរងគ្រោះជាកូនប្រសាប្រុសឈ្មោះសឿ ជីម បានធ្វើការដាក់ពាក្យបណ្តឹងដល់សមត្ថកិច្ចឱ្យជួយអន្តរាគមន៍ ។
ប្រភពបន្តថា មុនកើតហេតុ ជនសង្ស័យបានប្រើល្បិចដោយនិយាយប្រាប់ឈ្មោះសឿ ជីម ជាកូនប្រសាថា ប្រពន្ធឯងមានណាត់ប្រុស នៅចំណុចទួលតាជា (ចម្ងាយពីផ្ទះ១៥០ម៉ែត្រ) ។ បន្ទាប់មក ត្រូវកូនប្រសារនោះ (ជរងគ្រោះ) បានជិះម៉ូតូទៅទុកកន្លែងដែលឪពុកក្មេកបានប្រាប់នោះ ។ រួចហើយក៏ដើរសំដៅតាមទៅលបមើលប្រពន្ធ ប៉ុន្តែមិនបានឃើញប្រពន្ធនៅជាមួយប្រុសណាទេ ក៏ត្រឡប់ទៅកន្លែងទុកម៉ូតូវិញ ស្រាប់តែបាត់ម៉ូតូតែម្តង ។ នៅថ្ងៃទី១៣ កញ្ញា ២០១៦ វេលាម៉ោង០៨ព្រឹក ឈ្មោះសឿ ជីម បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលក្រាំងយ៉ូវ។
បន្ទាប់ពីកម្លាំងសមត្ថកិច្ច ទទួលបណ្តឹងភ្លាម ក៏ធ្វើការស្រាវជ្រាវកំណត់បានមុខសញ្ញាខាងលើ នាំមកសាកសួរ ។ នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានលួចម៉ូតូមែន ដោយយកទៅបញ្ចាំគេ (មិនស្គាល់ឈ្មោះ) នៅភូមិកំពុងទ្រា ឃុំស្អាងភ្នំបានប្រាក់ចំនួន600.000រៀល រីឯប្រាក់ខ្លួនបានយកទៅចាយអស់ហើយ ។
ចែករំលែកព័តមាននេះ