ខេត្តក្រចេះ៖ ខ្យល់កន្ទ្រាក់លាយឡំភ្លៀង ផ្គរ រន្ទះ បណ្តាលឱ្យខូចខាតផ្ទះប្រជាពលរដ្ឋសរុបប្រមាណ១៤ខ្នង និងទ្រព្យសម្បិត្តផ្សេងៗជាច្រើនទៀត ។ ហេតុការណ៍នេះ បានកើតឡើងនៅយប់ថ្ងៃទី៣០ មីនា ឆ្នាំ២០២០ ស្ថិតនៅភូមិចំនួន៣ ឃុំប្ញស្សីកែវ ស្រុកព្រែកប្រសព្វ ។
យោងតាមរបាយការណ៍របស់មេឃុំប្ញស្សីកែវបានស្នើសុំឲ្យលោកអភិបាលស្រុកព្រែកប្រសព្វ ជួយឧបត្ថម្ភជា
បន្ទាន់ថា ភូមិចំនួន៣ក្នុងឃុំប្ញស្សីកែវដែលរងផលប៉ះពាល់រួមមាន÷ ទី១-ភូមិបឹងរៃប៉ះពាល់ផ្ទះចំនួន៨ខ្នង ខូចខាតខ្លាំងចំនួន៥ខ្នង ខូចខាតឡថ្នាំចំនួន៧ និងងាប់គោចំនួន១ក្បាល និងរបួស១ក្បាល ហើយប៉ះពាល់សាលារៀនចំនួន១ខ្នងរបើកក្បឿង បាក់ដើមគគីចំនួន៧ដើម និងប៉ះពាល់ដំបូលសាលាឆាន់វត្តបឹងរៃ ។ ទី២-ភូមិស្រឡៅដំណាក់ខូចខាត់ផ្ទះចំនួន១ខ្នង និងឡថ្នាំចំនួន២ឡ ។ ទី៣-ភូមិស្វាយជុំខូចខាត់ឡថ្នាំចំនួន១ឡ។
លោក ហង្ស ចាន់ឌី អភិបាលស្រុកព្រែកប្រសព្វបានបញ្ជាក់ឲ្យដឹងថា នៅរសៀលថ្ងៃដដែល លោកនិងនាំយកអំណោយសង្រ្គោះបន្ទាន់របស់ស្រុក ដើម្បីជួយពួកគាត់ក្នុងគ្រួសាររួមមានថវិកាចំនួន១០ម៉ឺនរៀល អង្ក២៥គឺក្រាម ,មី ,ទឹកត្រី ,ត្រីខ, ស្គរ, អំបិល។
លោកអភិបាលស្រុកបញ្ជាក់ទៀតថា លោកនិងស្នើសុំទៅកាកបាទក្រហមខេត្ត និងមន្ទីរសង្គមកិច្ចខេត្ត ដើម្បីជួយឧបត្ថម្ភពួកគាត់បន្ថែមទៀត ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ