រាជធានីភ្នំពេញ ៖ ហាងលក់សម្លៀក ស្បែកជើង កាបូប និងវ៉ាលីស ម៉ាកល្បីៗមកពីបរទេស Central Mall បានធ្វើការបញ្ចុះតម្លៃជូនអតិថិជនរបស់ខ្លួន ចាប់ពីថ្ងៃទី៥ ខែកញ្ញា ដល់ថ្ងៃទី១៨ ខែកញ្ញា ឆ្នាំ២០១៦ នៅផ្សារទំនើបអ៊ីអនជាន់ផ្ទាល់ដី ច្រកចូលផ្លូវសម្ដេចសុធារស ហើយនឹងបញ្ចុះតម្លៃរហូតដល់៣០% ចំពោះផលិតផលមួយចំនួន ។
បើតាមកញ្ញា ស្រុង ចាន់រតនា អ្នកគ្រប់គ្រងទូទៅនៃហាង Central Mall បានអោយដឹងថា ការបញ្ចុះតម្លៃនេះ ទៅតាមប្រភេទផលិតផល ដោយខ្លះបញ្ចុះត្រឹម១០% ខ្លះទៀតបញ្ចុះ២០% និងមួយចំនួនទៀត បញ្ចុះតម្លៃរហូតដល់៣០% និងទៅលើផលិតផលវ៉ាលីស និងកាបូបស្ពាយ សម្រាប់អ្នកពេញនិយមភាពស៊ីវិល័យ និងទាន់សម័យ និងសម្រាប់ប្រើប្រាស់ក្នុងដំណើរការកម្សាន្តនានាក្នុង និងក្រៅស្រុក ។
កញ្ញាបន្តថា ផលិតផលដែលបញ្ចុះតម្លៃសម្រាប់ឱកាសពេលនេះ មានមកពីប្រទេសស្វីស និងសហរដ្ឋអាមេរិក ហើយនៅក្នុងហាង Central Mall មានជាច្រើនម៉ាកសម្រាប់អតិថិជនជ្រើសរើស ដូចជាម៉ាក Vicorinox ម៉ាក Samsonite ម៉ាក Somsonite Red ម៉ាក American Tourster ព្រមទាំងធានាគុណភាពជូនដល់អតិថិជន ចាប់ពី៣ឆ្នាំ រហូតដល់១០ឆ្នាំផងដែរ ។ ដោយឡែកសម្រាប់ទីតាំងផ្សារទំនើបអ៊ីអនម៉ល គ្រាន់តែជាទីតាំងបណ្ដោះអាសន្នប៉ុណ្ណោះ ហើយការដាក់តាំងបង្ហាញផលិតផលរបស់ Central Mall នៅផ្សារទំនើបអ៊ីអននេះ គឺដើម្បីអោយអតិថិជនចូលចិត្តប្រើប្រាស់សម្ភារដែលមានម៉ាកត្រឹមត្រូវ និងល្បីៗងាស្រួយស្វែងរក និងដើម្បីអោយអតិថិជនបានស្គាល់ម៉ាកសម្ភារនៅក្នុងហាង Central Mall ។ ដោយឡែកសម្រាប់ទីតាំងពិតប្រាកដរបស់ Central Mall គឺមានទីតាំងនៅខាងលិចឈៀងខាងជើងផ្សារធំថ្មី ដូចនេះបើចង់បាន និងមើលផលិតផលម៉ាកល្បីៗជាច្រើនអាចអញ្ជើញទៅមើលផ្ទាល់នៅហាង Central Mall ផ្ទាល់ក៏បាន ។
គួរបញ្ជាក់ថា ដោយសារតែការពេញនិយមការប្រើប្រាស់សម្ភារដែលមានម៉ាកយីហោ ឬហៅថាប្រែន របស់មនុស្សសម័យថ្មីនេះ កាន់តែពេញនិយមនោះ ការនាំចូលផលិតផលដែលមានម៉ាកយីហោ ឬប្រែនល្បីៗពីបរទេសមកកាន់ទីផ្សារកម្ពុជាក៏កាន់តែច្រើន ដូចជាសម្លៀកបំពាក់ ស្បែកជើង កាបូបស្ពាយ វ៉ាលីស និងសម្ភារប្រើប្រាស់ជាច្រើនផ្សេងទៀត ។ យ៉ាងណាមិញហាងCentral Mall ក៏ជាហាងដែលនាំចូលផលិតផល និងសម្ភារម៉ាកយីហោ ឬហៅថា ប្រែនល្បីៗពីប្រទេសល្បីៗជាច្រើនផងដែរ ។
ចែករំលែកព័តមាននេះ