ឆ្នាំ១៩៥១
-មានការសាកល្បងអាវុធនុយក្លេអ៊ែរ នៅតំបន់ណេវ៉ាដា ដោយប្រើគ្រាប់បែកទំងន់មួយតោន ។
ឆ្នាំ១៩៦៧
-ការបា.ញ់បង្ហោះយានអវកាសអាប៉ូឡូទី១ទៅកាន់លំហអាកាសត្រូវទទួល បរាជ័យបណ្ដាលឱ្យអវកាសយានិក៣រូបស្លា.ប់ គឺលោក ហូស ហ្កើសូម, អេដវើត វ៉ាយ និងលោករូជ័រ ឆាហ្វី ហើយវាជាយានអវកាសទី១ដែលមានមនុស្សជិះ ។
ឆ្នាំ៩៨
-អូលភីអើស នីវាត្រេអានូស បានក្លាយជាស្ដេចទី១៣នៃរាជាណាចក្ររ៉ូម ។
ឆ្នាំ១១៤២
-មេទ័ពស្ដេចសុងដ៏ខ្លាំងពូកែ និងល្បីល្បាញម្នាក់ ឈ្មោះយីហ្វៃ ដែលបានប្រឆាំងស្ដេចជីងដណ្ដើមយកទីក្រុងមកវិញនោះ ត្រូវមន្ដ្រីក្បត់ក្នុងរាជការឈ្មោះជីនហៃ ប្រើល្បិចបង្ខូច ហើយត្រូវបានស្ដេចសុងកាត់ទោសប្រហារជីវិតទាំងខុសលើមេទ័ពរូបនោះ ។ មូលហេតុគឺអំឡុងពេលធ្វើសឹកសង្គ្រាមដណ្ដើមយកទីក្រុងកៃហ្វេង មកវិញត្រូវមន្ដ្រីក្បត់ញុះញង់ស្ដេចសុងឈ្មោះហ្គៅហ្សុងសំរេចបញ្ជាឱ្យមេទ័ពយីហ្វៃត្រឡប់ចូលរាជធានីវិញដើម្បីកសាងសន្ដិភាពជាមួយស្ដេចជីង ។ ក្នុងពេលប្រយុទ្ធជិតឈ្នះដណ្ដើមយកទីក្រុងបានវិញទៅហើយ លោកមេទ័ពសំរេចបន្ដប្រយុទ្ធ ហើយការកោះហៅដោយប្រើស្លាកបញ្ជាមាសមានចំនួន១២លើក លោកមេទ័ពក៏សំរេចត្រឡប់ចូលរាជធានីតាមការកោះហៅតែនៅពេលចូលរាជធានី ក៏ត្រូវគេចាប់ខ្លួន និងកាត់ទោសប្រហារជីវិតដោយមន្ដ្រីក្បត់ជីនហៃ ។ មូលហេតុស្លាប់របស់មេទ័ពយីហ្វៃ នៅពុំទាន់ច្បាស់ទេ ខ្លះថា លោកស្លាប់ក្នុងពន្ធនាគារ ខ្លះទៀតថា ស្លាប់ដោយគេសំលាប់ក្នុងពន្ធនាគារ ។ ចំណែកមន្ដ្រី ក្បត់ក្រោយមកត្រូវកាត់ទោសដោយប្រជាពលរដ្ឋទាំងប្ដី និងប្រពន្ធ ហើយគេកសាងរូបសំណាកលុតជង្គង់តំណាងការដាក់ទណ្ឌកម្មរហូតដល់បច្ចុប្បន្ននៅទីក្រុងហានហ្ស៊ូ ។
ឆ្នាំ១៦០៦
-ការកាត់ទោសហ្គាយ ហ្វេកេស និងអ្នកជាប់ពាក់ព័ន្ធដទៃទៀតត្រូវបានកំណត់ប្រហារជីវិតនៅថ្ងៃទី៣១ មករា ពីបទរៀបចំផែនការអាក្រក់ដាក់បំផ្ទុះគ្រាប់បែកចង់ សំលាប់ស្ដេចជេមទី១នៅទីក្រុងឡុង ។
ឆ្នាំ១៧៨៥
-សាកលវិទ្យាល័យចចជៀ ត្រូវបានបង្កើតឡើង ហើយវាជាសាកលវិទ្យាល័យរដ្ឋទី១ នៅសហរដ្ឋអាមេរិក ។
ឆ្នាំ១៨២៥
-សភាសហរដ្ឋអាមេរិកសំរេចឱ្យមានដែនដីសំរាប់ជនជាតិដើមអាមេរិក បច្ចុប្បន្នស្ថិតនៅរដ្ឋអូក្លាហូម៉ា ។
ឆ្នាំ១៩១៨
-ក្នុងសង្គ្រាមស៊ីវិលនៅហ្វាំងឡង់ មានការផ្ទុះអាវុធជាលើកទី១រវាងកងទ័ពឆ្មាំ “ក្រហម” ដែលមានការជួយគាំទ្រពីប្រទេសរុស្ស៊ី និងកងទ័ពឆ្មាំ“ស” ដែលមានការគាំទ្រពីប្រទេសអាល្លឺម៉ង់ ហើយការប្រយុទ្ធគ្នាលើកដំបូងនេះកើតឡើងនៅទីក្រុងវីពូរី ។
ឆ្នាំ១៩៣៩
-យន្ដហោះរន្ទះ P-28 របស់ក្រុមហ៊ុនឡុកហេដ របស់អាមេរិកបានធ្វើការហោះហើរជាលើកទី១របស់ខ្លួន ។
ឆ្នាំ១៩៤៤
-ក្នុងសង្គ្រាមលោកលើកទី២ ការគ្រប់គ្រងរបស់ពួកណាហ្ស៊ី អាល្លឺម៉ង់មកលើទីក្រុងឡេនីនហ្គ្រាដ ដែលមានរយៈពេល៩00ថ្ងៃត្រូវបានបញ្ចប់ ក្រោមស្នាដៃកងទ័ពក្រហមរុស្ស៊ី។ ការប្រយុទ្ធចុងក្រោយកងទ័ពរុស្ស៊ី ប្រើកំលាំងទ័ព៩៣០.០០០នាក់ ឯកងទ័ពអាល្លឺម៉ង់ប្រើកំលាំងទ័ព៧២៥.០០០នាក់។ ក្រោយការប្រយុទ្ធកងទ័ពរុស្ស៊ីបានស្លាប់ និងបាត់ខ្លួន ហើយត្រូវគេចាប់ខ្លួន១.០១៧.៨៨១នាក់ របួស និងឈឺប្រមាណ២.៤១៨.១៨៥ នាក់ ក្នុងនោះប្រជាជនទាំងអស់ក្នុងទីក្រុងមាន៦៤២.០០០នាក់ ហើយភៀសខ្លួនចេញពីទីក្រុងនេះ៤០០.០០០នាក់ ។ ក្នុងការរំដោះទីក្រុង កងទ័ពក្រហមរុស្ស៊ីបានធ្វើឱ្យកងទ័ពអាល្លឺម៉ង់ដកថយចំងាយ៦០ទៅ១០០គីឡូម៉ែត្រពីទីក្រុង ។
ឆ្នាំ១៩៤៥
-កងទ័ពក្រហមរុស្ស៊ីបានចូលរំដោះជន ជាតិជ្វីហ្វ នៅជំរំឃុំខ្លួននៅប៉ូឡូញពីពួកណា ហ្ស៊ីអាល្លឺម៉ង់ ដោយរំដោះបានប្រជាជនជ្វីហ្វ សរុប៧០.០០០នាក់ ។
ឆ្នាំ១៩៥១
-មានការសាកល្បងអាវុធនុយក្លេអ៊ែរ នៅតំបន់ណេវ៉ាដា ដោយប្រើគ្រាប់បែកទំងន់មួយតោន ។
ឆ្នាំ១៩៦៧
-ការបាញ់បង្ហោះយានអវកាសអាប៉ូឡូទី១ទៅកាន់លំហអាកាសត្រូវទទួលបរាជ័យបណ្ដាលឱ្យអវកាសយានិក៣រូបស្លាប់ គឺលោក ហូស ហ្កើសូម, អេដវើត វ៉ាយ និងលោករូជ័រ ឆាហ្វី ហើយវាជាយានអវកាសទី១ដែលមានមនុស្សជិះ ។
ឆ្នាំ១៩៦៧
-ប្រជាជាតិចំនួន៦០បានចុះហត្ថលេខាលើសន្ធិសញាលំហអវកាស ដែលជាសន្ធិសញ្ញាហាមប្រាមការសាងសង់មូលដ្ឋាន អាវុធនុយក្លេអ៊ែរ ឬទុកអាវុធនុយក្លេអ៊ែរ នៅលើភពព្រះចន្ទ ឬលើដែនលំហក្នុងនោះ ប្រទេសរុស្ស៊ី និងសហរដ្ឋអាមេរិកក៏បានចុះហត្ថលេខាដែរ ។
ឆ្នាំ១៩៧៣
-កិច្ចព្រមព្រៀងសន្ដិភាពទីក្រុងប៉ារីស ដើម្បីបញ្ចប់សង្គ្រាមនៅវៀតណាមត្រូវបានធ្វើឡើងជាផ្លូវការ។ ប៉ុន្ដែលោកវរសេនីយ៍ឯកវីល្លៀម នូលដេ ត្រូវបានគេសំលាប់នៅតំបន់ អានឡុក នៅប៉ុន្មាន៧ម៉ោងមុនការចុះកិច្ច ព្រមព្រៀងសន្ដិភាពធ្វើឱ្យព្រឹត្ដិការណ៍នេះក្លាយជាកំណត់ត្រាចុងក្រោយនៃការប្រយុទ្ធរបស់សហរដ្ឋអាមេរិកនៅលើទឹកដីប្រទេសវៀតណាម ។
ឆ្នាំ២០០៧
-ប្រទេសកូរ៉េខាងជើងបានច្រានចោលពីព័ត៌មានរបស់អង់គ្លេសដែលផ្សាយថា កូរ៉េបានជួយប្រទេសអ៊ីរ៉ង់ដើម្បីរៀបចំការសាកល្បងគ្រាប់បែកអាតូមិច។
-បាតុករប្រមាណ១០.០០០នាក់បានជួបគ្នានៅមុខវិមានវ៉ាស៊ីនតោនដើម្បីទាមទារឱ្យសហរដ្ឋអាមេរិកដកកងទ័ពចេញពីប្រទេសអ៊ីរ៉ាក់ ៕
ចែករំលែកព័តមាននេះ