រាជធានីភ្នំពេញ ៖ ជាថ្មីម្តងទៀត សម្រាប់លទ្ធផលប្រឡងបាក់ឌុបឆ្នាំ២០១៦នេះ បានចេញជាផ្លូវការហើយ នៅមិនមានសិស្សរូបណា មានធ្វើបានល្អនៅខេត្តស្វាយរៀង ក្នុងនិទ្ទេសA ក៏ព្រះគ្រូ នី សុវណ្ណមុនីរ៉េត គង់នៅកុដិលេខ២៤ នៃវត្តនាគវ័ន រាជធានីភ្នំពេញ នៅតែរក្សាជំហរប្រគល់រង្វាន់លើកទឹកចិត្តដល់សិស្សជាប់បាក់ឌុបនៅខេត្តស្វាយរៀង ដែលមានពិន្ទុខ្ពស់ជាងគេចំនួន១៥រូប ប្រគេនជូនកុំព្យូទ័រចំនួន១៥គ្រឿង ជាការលើកទឹកចិត្ត ។
យ៉ាងណា សម្រាប់ប្អូនៗដែលត្រៀមខ្លួនចូលថ្នាក់ទី១២ថ្មី នាពេលខាងមុខ គួរត្រៀមរៀបចំរៀនសូត្រជាបណ្តើរៗ យកនិទ្ទេសល្អនៅឆ្នាំក្រោយ តាមទឹកព្រះទ័យរបស់ព្រះអង្គចង់ទតឃើញសិស្សស្វាយរៀង ដែលជាទឹកដីកំណើតរបស់ព្រះអង្គ ធ្វើបានល្អដូច
ប្អូនៗ ជាសិស្សពូកែដទៃទៀត ។ ដូច្នេះ ត្រូវខំរៀនបណ្តើរដោយទ្រង់នៅតែមិនរំលងការលើកទឹកចិត្តជារង្វាន់នានាឡើយ ។
ក្នុងនោះ ព្រះអង្គបានមានសង្ឃដិកាថា អាត្មាភាព ពិតជាមានការសោកស្ដាយ ចំពោះសិស្សានុសិស្សខេត្តស្វាយរៀងយើង មិនអាចដណ្ដើមបាននិទ្ទេស A ពីការប្រឡងបាក់ឌុបឆ្នាំ២០១៦នេះ ។ តែបើទោះបីលទ្ធផលយ៉ាងណា អាត្មាភាពនៅតែធ្វើតាមការសន្យាកាលពីកន្លងមក ។
អាត្មាភាព ពិតជាមានការសោកស្ដាយ ចំពោះសិស្សានុសិស្សខេត្តស្វាយរៀងយើងមិនអាចដណ្ដើមបាននិទ្ទេសA ពីការប្រលងបាក់ឌុបឆ្នាំ២០១៦នេះ។ តែបើទោះបីលទ្ធផលយ៉ាងណា អាត្មាភាពនៅតែធ្វើតាមការសន្យា ។ រង្វាន់កុំព្យូទ័រ Laptopថ្មី១៥ គ្រឿង សម្រាប់សិស្សជាប់បាក់ឌុបពិន្ទុច្រើនជាងគេខេត្តស្វាយរៀង នៅតែមាន ។
ការសម្រេចផ្ដល់រង្វាន់កុំព្យូទ័រចំនួន១៥គ្រឿង ដូចបានរៀបរាប់ខាងលើ ក៏ព្រោះតែអាត្មាភាព គឺជាអ្នកមានដើមកំណើតមកពីខេត្តស្វាយរៀងដូចគ្នា ដោយចង់ចូលលើកទឹកចិត្តដល់ប្អូនៗ ក្មួយៗ ឱ្យខិតខំប្រឹងប្រែងរៀនសូត្រ ដើម្បីចូលរួមអភិវឌ្ឍន៍ក្រុមគ្រួសារក៏ដូចជាប្រទេសជាតិឲ្យមានការរីកចម្រើន ។
សូមបញ្ជាក់កុំព្យូទ័រ Laptopថ្មីទាំង១៥គ្រឿងនេះ សម្រាប់តែអ្នកដែលទទួលបានពិន្ទុច្រើនជាងគេ ក្នុងខេត្តស្វាយរៀងប៉ុណ្ណោះ ដោយមិនគិតពីនិទ្ទេសឡើយ ហើយក្នុងម្នាក់ទទួលបាន១គ្រឿង។ ក្រុមការងារ អាត្មាភាពនឹងទាក់ទងទៅប្រធានមន្ទីរអប់រំខេត្តស្វាយរៀង ដើម្បីមកទទួលរង្វាន់ ក្នុងពេលឆាប់ៗនេះ។
ចែករំលែកព័តមាននេះ