សារព័ត៌មាន «VG Nyheter» របស់ន័រវែស កាលពីថ្ងៃទី២៩ សីហា ២០១៦ ផ្សាយថា លោក Cato Berntsen Larsen អាយុ២០ឆ្នាំ បានស្ម័គ្រចិត្តចុះរាវទូរស័ព្ទរបស់មិត្តភក្តិដែលធ្លាក់ទៅក្នុងបង្គន់ចាស់មួយនៅក្រុង
សារព័ត៌មាន «VG Nyheter» របស់ន័រវែស កាលពីថ្ងៃទី២៩ សីហា ២០១៦ ផ្សាយថា លោក Cato Berntsen Larsen អាយុ២០ឆ្នាំ បានស្ម័គ្រចិត្តចុះរាវទូរស័ព្ទរបស់មិត្តភក្តិដែលធ្លាក់ទៅក្នុងបង្គន់ចាស់មួយនៅក្រុង Drammen ភាគខាងត្បូងប្រទេសន័រវែស ។ បង្គន់នោះជាបង្គន់អង្គុយមានធុងសម្រាប់រក្សាទុកវត្ថុកខ្វក់តាំងពីឆ្នាំ១៩៩០ បច្ចុប្បន្នមានប្រើប្រាស់តិចតួចនៅទីសាធារណៈ ។
លោក Larsen ឱ្យដឹងថា លោកមានមាឌតូចជាងមិត្តភក្តិក៏ស្ម័គ្រចិត្តចុះរាវទូរស័ព្ទ ។ នៅពេលមុជចូលរាវ មានវត្ថុកខ្វក់ច្រើនបញ្ចេញក្លិនស្អុយ ព្រមទាំងមានសត្វល្អិតច្រើន លោកយាមងើបឡើង ប៉ុន្តែងើបមិនរួច ព្រោះបង្គន់ចង្អៀតពេកធ្វើឱ្យលោកជាប់នៅក្នុងនោះ ។
លោក Larsen ចាត់ទុកថា ជាបទពិសោធន៍ដ៏អាក្រក់ ធ្វើឱ្យឈឺចាប់ពេញដងខ្លួន ដូច្នេះទៅថ្ងៃក្រោយគ្មានថ្ងៃណាមុជចូលក្នុងបង្គន់បែបនោះទៀតទេ ។ ក្នុងពេលនោះមិត្តភក្តិដែលរង់ចាំនៅខាងលើហាក់ដូចជាមានអារម្មណ៍ថា មានរឿងអ្វីមិនល្អកើតឡើងលើមិត្តភក្តិ ក៏ទូរស័ព្ទហៅក្រុមជួយសង្គ្រោះទៅជួយ ។ សមត្ថកិច្ចបានបញ្ជូនបុគ្គលិក៤នាក់ទៅជួយ ។ ចំណាយពេលប្រហែល១០នាទី ក្រុមសង្គ្រោះវាយបង្គន់បែក ហើយអាចជួយលោក Larsen បានទាន់ពេលវេលា ៕
ចែករំលែកព័តមាននេះ