LG V20 ដែលទើបប្រកាសចេញថ្មីៗនេះ មានលក្ខណសម្បតិ្តពិសេសអ្វីខ្លះ?
7 ឆ្នាំ មុន
ពេលនេះកំពូលស្មាតហ្វូន LG V20 បានបង្ហាញវត្តមានជាផ្លូវការណ៍ហើយ ហើយអ្វីៗដែលលេចលឺកន្លងមក អំពីវាក៏ត្រូវបានបញ្ចប់ផងដែរ។ LG V10 ដែលបង្ហាញខ្លួនកាលពីរឆ្នាំកន្លងទៅ គឺជាស្មាតហ្វូនមួយ
ពេលនេះកំពូលស្មាតហ្វូន LG V20 បានបង្ហាញវត្តមានជាផ្លូវការណ៍ហើយ ហើយអ្វីៗដែលលេចលឺកន្លងមក អំពីវាក៏ត្រូវបានបញ្ចប់ផងដែរ។ LG V10 ដែលបង្ហាញខ្លួនកាលពីរឆ្នាំកន្លងទៅ គឺជាស្មាតហ្វូនមួយដែលទទួលបានប្រជាប្រិយភាពខ្លាំងទាំងទីផ្សារក្នុងតំបន់ និងទីផ្សារសកល។ ប៉ុន្តែអ្វីដែលជាកំហុសឆ្គងមួយរបស់ក្រុមហ៊ុន LG នោះ គឺក្រុមហ៊ុនមានភាពយឺតយ៉ាវក្នុងការបញ្ចេញជំនាន់ថ្មីរបស់វា តែបែរជាមកបង្ហាញចេញស្មាតហ្វូន LG G5 ដែលធ្វើឲ្យ FAN ត្រកូល «V» មានការអន់ចិត្តមិនស្ទើរនោះទេ។ ដោយឡែកក្នុងឆ្នាំ 2016 នេះ ក្រុមហ៊ុន LG គឺបានធ្វើឲ្យអ្នកប្រើប្រាស់មានភាពភ្ញាក់ផ្អើលខ្លាំងផងដែរជាមួយ LG G5 ដែលជាស្មាតហ្វូនដែលមានលក្ខណសម្បត្តិពិសេសដាច់គេក្នុងឆ្នាំ2016 នេះ ហើយសម្រាប់ពេលនេះ FAN របស់ត្រកូល «V» ក៏បានឃើញវត្តមានជំនាន់ថ្មីក្នុងត្រកូលមួយនេះផងដែរ គឺ LG V20 ដែលទើបប្រកាសចេញក្តៅៗកាលពីថ្មីនេះ។
LG V20 គឺជាស្មាតហ្វូនជំនាន់ថ្មីមួយដែលផ្តោតសំខាន់ទៅភាពងាយស្រួលក្នុងការប្រើប្រាស់សមត្ថភាព កម្មវិធីកម្សាន្ត និងកាមេរ៉ាថតរូប។ ហើយព័ត៌មានលេចលឺកន្លងមក ហាក់មានភាពផ្ទុយស្រឡះច្រើនពីអ្វីដែល LG V20 មាន។ LG V20 មិនមែនជាស្មតហ្វូន Modular Design ដូច G5 នោះទេ តួរខ្លួនរបស់ LG V20 ស្រោបដោយលោហៈធាតុលាយជាមួយល្បាយផ្លាស្ទីកប្រភេទ MIL-STD 810G ដែលការពារពីការឆ្លងចរន្តឆក់បានយ៉ាងមានសុវត្ថិភាពខ្ពស់បំផុត និងមិនអោយចម្លងកំដៅទៀតផង។ វ័ណ្ឌជុំវិញតួរ គឺជាដែលអ៊ីណុកមានសន្ទះខាងក្រោយផលិតពីសារធាតុ Silicon អាចដោះចេញបានដោយការចុចប៊ូតុងមួយនៅចំហៀងខាងស្តាំរបស់វា។ ដោយឡែកសម្រាប់ថ្មរបស់វាវិញ ក៏អាចដោះចេញបានផងដែរ ហើយរន្ធដាក់ស៊ីមកាត គឺស្ថិតនៅផ្នែកខាងក្រោយសន្ទះនេះដែលម្តង។ ហើយអ្វីដែលគួរឲ្យចាប់អារម្មណ៍នោះត្រង់ថា LG អាចនឹងដាក់បន្ថែមថ្មសាគួរមួយទៀតសម្រាប់ដោះដូរ ព្រមជាមួយឧបករណ៍សម្រាប់សាកថ្មផងដែរ ដែលនឹងផ្តល់ភាពកាន់តែងាយស្រួលសម្រាប់អ្នកប្រើប្រាស់ ហើយក៏អាចកំដរការប្រើប្រាស់បានមួយថ្ងៃពេញតែម្តង។
ចែករំលែកព័តមាននេះ