សង្ស័យជាន់ហ្វ្រាំងច្រឡំហ្គែរ! ឡានស៊េរីទំនើប១គ្រឿង បង្កគ្រោះមុខព្រលានយន្តហោះ
- ភ្នំពេញ
រាជធានីភ្នំពេញ ៖ រថយន្តម៉ាកឡិចស៊ីស LX.470 មួយគ្រឿង ខណៈបើកចេញពីអគ្គនាយកដ្ឋានអន្តោប្រវេសន្តបាន
រាជធានីភ្នំពេញ ៖ រថយន្តម៉ាកឡិចស៊ីស LX.470 មួយគ្រឿង ខណៈបើកចេញពីអគ្គនាយកដ្ឋានអន្តោប្រវេសន្តបានវាក់ជាមួយម៉ូតូសណ្ដោងកន្ទុយរ៉ឺម៉ក១គ្រឿងសង្ស័យជាន់ហ្វ្រាំងច្រឡំហ្គែរក៏បានបោលបុ.កម៉ូតូសណ្ដោងរ៉ឺម៉កនោះពេញទំហឹង បណ្ដាលឲ្យស្ត្រីអ្នកជិះម៉ូតូដណ្ដោងរ៉ឺកម៉ករងរបួសធ្ងន់បាក់ដៃនិងជើង បន្ទាប់មករថយន្តនេះនៅតែមានល្បឿនលឿនហើយបានជ្រុលទៅបុ.កទម្លុះរបងដែកចូលទៅក្នុងអាកាសយានដ្ឋានអន្តជាតិភ្នំពេញ និងបានបុ.កខឿនផ្លូវរថភ្លើងនៅក្នុងនោះ បណ្ដាលឲ្យរងការខូចខាតក្រពឹតខ្ទេចមុខទាំងស្រុង ទើបទៅមុខទៀតលែងរួច ហើយក្រោយពេលកើតហេតុបុរសជាម្ចាស់រថយន្តខាងលើអត់រត់ទៅណាទេគាត់បាននាំយកស្ត្រីរងគ្រោះទៅកាន់មន្ទីរពេទ្យដើម្បីសង្គ្រោះផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី២៧ ខែមីនា ឆ្នាំ២០២២ នៅតាមបណ្ដោយមហាវិថីសហព័ន្ធរុស្ស៊ីមុខអាកាសយាន្តដ្ឋានអន្តរជាតិភ្នំពេញ ស្ថិតក្នុងភូមិក្បាលដំរី១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
អ្នកឃើញហេតុការណ៍ខាងលើបានឲ្យដឹងថា រថយន្តខាងលើម៉ាកlexus lx 470 ពណ៍ស ពាក់ស្លាកលេខ ភ្នំពេញ 2R-1899 ចំណែកស្ត្រីរងគ្រោះដែលរងរបួសនោះពុំត្រូវបានស្គាល់អត្តសញ្ញាណឡើយ គាត់រងរបួសបាក់ដៃនិងបាក់ជើង ហើយក៏ជាអ្នកបើកបរម៉ូតូសណ្ដោងរ៉ឺម៉ក១គ្រឿងម៉ាកហុងដាវ៉វ។
តាមប្រភពដដែលបានបន្តអៀតថា នៅមុនពេលកើតហេតុ រថយន្តខាងលើបានបើកបរចេញពីអគ្គនាយកដ្ឋានអន្តោប្រវេសន្ត ដែលស្ថិតនៅទល់មុខអាកាសយានដ្ឋានអន្តរជាតិភ្នំពេញនោះដែរ ក្នុងទិសដៅពីជើងទៅត្បូងឆ្លងផ្លូវ លុះដល់ត្រង់ចំណុចកើតហេតុបានវាក់ជាមួយម៉ូតូសណ្ដោងរ៉ឺម៉កដែលបើកបរដោយស្ត្រីម្នាក់ក្នុងទិសដៅពីលិចទៅកើត ខណៈនោះសង្ស័យបុរសអ្នកបើកបររថយន្តជាន់ហ្គែរច្រឡំស្មានថាហ្វ្រាំង ក៏បោលជ្រុលទៅបុ.កម៉ូតូសណ្ដោងរ៉ឺម៉កពេញទំហឹងតែម្ដង។
តាមប្រភពខាងលើបានបន្តទៀតថា ពេលនោះបណ្ដាលឲ្យស្ត្រីអ្នកបើម៉ូតូសណ្ដោងរ៉ឺម៉ករងរបួសបាក់ដៃនិងជើងធ្ងន់ធ្ងរ ចំណែករថយន្តនេះអត់ទាន់អស់ល្បឿនទេ ក៏ជ្រុលទៅបុ.កទម្លុះរបងដែកចូលទៅក្នុងអាកាសយានដ្ឋានអន្តរជាតិភ្នំពេញត្រង់ចំណតរថភ្លើងទាំងកម្រោលនិងបុ.កខឿនផ្លូវរថភ្លើងពេញទំហឹងរងការខូចខាតខ្ទេចមុខយ៉ាងដំណំទើបទៅមុខលែងរួច ។
ក្រោយពេលកើតហេតុបុរសដែលជាអ្នកបើកបររថយន្តខាងលើ បាននាំស្ត្រីរងគ្រោះទៅកាន់មន្ទីរពេទ្យដើម្បីសង្គ្រោះបន្ទាន់ ចំណែករថយន្តនិងម៉ូតូសណ្ដោងរ៉ឺម៉ក ត្រូវបានកម្លាំងនគរបាលចរាចរណ៍នៃអធិការដ្ឋាននគរបាលខណ្ឌពោធិ៍សែនជ័យ ចុះធ្វើការវាស់វែងនិងនាំយកទៅរក្សាទុករង់ចាំការដោះស្រាយនៅពេលក្រោយ៕
ចែករំលែកព័តមាននេះ