កាលពីថ្ងៃសៅរ៍ ទី២០ ខែសីហា ឆ្នាំ ២០១៦ ក្រុមហ៊ុន M.W Group បានបើកសម្ពោធហាងលក់សម្លៀកបំពាក់ និងមួកការពារម៉ាក Dainese & AGV ដែលជាម៉ាកល្បីមានប្រភពមកពីប្រទេសអីុតាលី
កាលពីថ្ងៃសៅរ៍ ទី២០ ខែសីហា ឆ្នាំ ២០១៦ ក្រុមហ៊ុន M.W Group បានបើកសម្ពោធហាងលក់សម្លៀកបំពាក់ និងមួកការពារម៉ាក Dainese & AGV ដែលជាម៉ាកល្បីមានប្រភពមកពីប្រទេសអីុតាលី ។ កម្មវិធីនេះមានការចូលរួមពីសំណាក់អ្នកជិះម៉ូតូធំមកពីក្លិបផ្សេងៗគ្នាប្រមាណ៣០០នាក់ ហើយពួកគាត់រីករាយយ៉ាងខ្លាំងដែលឃើញវត្តមានម៉ាកល្បីទាំងពីរនៅលើទីផ្សារកម្ពុជា ។
គួរបញ្ជាក់ថា លោក Gary Ng ដែលជានាយកចាត់ការទូទៅ បានមានប្រសាសន៍ថា ក្រុមហ៊ុនសម្រេចចិត្តនាំយកម៉ាកល្បីទាំងពីរខាងលើនេះ មកប្រទេសកម្ពុជា ពីព្រោះគាត់បានសង្កេតឃើញថា ប្រជាជនកម្ពុជាបានចាប់ផ្តើមមានសន្ទុះកាន់តែខ្លាំងៗក្នុងការប្រើប្រាស់ផលិតផលម៉ាកល្បីដែលមានគុណភាពខ្ពស់ ។
លោក Seang Wong ដែលជាប្រធានក្លិបម៉ូតូធំកម្ពុជាបានបញ្ចេញមតិថា លោកជឿជាក់ក្នុងការប្រើប្រាស់ផលិតផលម៉ាក Dainese និង AGV ពីព្រោះផលិតទាំងនេះផ្តោតសំខាន់ទៅលើសុវត្ថិភាព និងមានការសាកល្បងគុណភាពមុនបញ្ចេញលក់នូវផលិតផលរបស់ខ្លួន។ លោកបានបន្តថា គាត់ចូលចិត្តបើកបរម៉ូតូធំក្នុងដំណើរកម្សាន្តចុងសប្តាហ៍ ដូច្នេះគាត់ត្រូវប្រើប្រាស់អាវ និងមួកការពារដែលមានគុណភាពខ្ពស់ដូចជាម៉ាក Dainese និងAGV ក្នុងគោលបំណងការពារសុវត្ថិភាពរបស់គាត់ ។
លោក Tommaso តំណាងឱ្យក្រុមហ៊ុន Dainese និង AGV ប្រចាំតំបន់អាស៊ីអាគ្នេយ៍ បានបន្ថែមថា លោកពិតជារីករាយដែលភ្ញៀវភាគច្រើនបានស្គាល់ពីម៉ាកល្បីទាំងពីរនេះហើយលោកសង្ឃឹមថា ផលិតផលនេះ នឹងទទួលបានការគាំទ្រពីសំណាក់ប្រជាជនកម្ពុជាកាន់តែច្រើនឡើងៗ ៕
ចែករំលែកព័តមាននេះ