រាជធានីភ្នំពេញ ៖ ក្រុមហ៊ុនស្រាបៀរអង្គរកាលពីរាត្រីថ្ងៃទី២ ខែកញ្ញា កន្លងទៅ បានប្រារព្ធព្រឹត្តិការណ៍ប្រគំតន្ត្រីដំបូងបង្ហាញស្រាបៀរលំដាប់អន្តរជាតិ TUBORG នៅរាជធានីភ្នំពេញ។ ព្រឹត្តិការណ៍ប្រគំតន្ត្រីលើកដំបូងនេះ មានការចូលរួមសម្តែងដោយកំពូលតារាឆ្នើមរបស់អាស៊ីមកពីប្រទេសកូរ៉េ តារាចម្រៀងមកពីប្រទេសថៃ រួមនិងតារាចម្រៀងល្បីឈ្មោះជាច្រើនដួងរបស់កម្ពុជា លើសពីក្រុមហ៊ុនបានផ្តល់ស្រាបៀរជូនដល់អ្នកចូលរួមពិសាប្រមាណ៣ពាន់កំប៉ុងដោយឥតគិតថ្លៃផងដែរ។
លោក Kenny Lim ប្រធានគ្រប់គ្រងទីផ្សារនៃក្រុមហ៊ុនស្រាបៀរអង្គរបានឱ្យដឹងថា នេះជាលើកទី១ ដែលស្រាបៀរលំដាប់ថ្នាក់ស្តង់ដាអន្តរជាតិរបស់ប្រទេសដាណឺម៉ាក បាននាំចូលមកជាមួយកំប៉ុង ប៉ុប ដំបូងគេមិនធ្លាប់មានកម្ពុជា។ ស្រាបៀរ TUBORG ជាស្លាកយីហោល្បីមួយដែលបានដាក់លក់ជាង៧០ប្រទេសនៅលើពិភពលោក ហើយ TUBORG ក៏ជាម៉ាកស្រាបៀរជាប់លំដាប់លេខ១ និងពេញនិយមបំផុតសម្រាប់ជនជាតិដាណឺម៉ាក នឹងបានលក់ដាច់ជាងគេរបស់ដាណឺម៉ាកតាំងឆ្នាំ១៨៨០ មកម្ល៉េះ។
ស្រាបៀរនេះ ត្រូវបានវេចខ្ចប់នៅក្នុងកំប៉ុង ដែលមានពណ៌បៃតង ។ ស្រាបៀរ TUBORG មានរសជាតិឆ្ងាញ់ ផ្តល់អារម្មណ៍ស្រស់ស្រាយលើសគេ ហើយកំប៉ុងប៉ុប TUBORG រចនាឡើងដើម្បីបង្កើនភាពជិតស្និត និងទាក់ទាញ ដោយផ្តល់ភាពងាយស្រួលក្នុងការកាន់ក្រេបយករសជាតិស្រាបៀរ។
គួររំលឹកថា ការប្រគំតន្ត្រីបើកទូលាយ និងចែករំលែកភាពសប្បាយរីករាយនេះ គឺធ្វើឡើងក្នុងរយៈពេល២ថ្ងៃ នៅក្រុងភ្នំពេញ ដែលពុំការគិតថ្ងៃអ្វីទាំងអស់។ ក្រៅពីការប្រគំតន្ត្រីនេះ សាធារណជនទទួលបានភាពរីករាយ ដោយការលេងហ្គេមជាច្រើនប្រភេទផងដែរ។
លោក Kenny Lim បន្តថា «យើងមានមោទនភាពជាខ្លាំងដែលបានណែនាំផលិតផលស្រាបៀរ TUBORG POP CAN ដំបូងគេមកឱ្យអតិថិជនរបស់យើង។ យើងជឿជាក់ថា ភាពលេចធ្លោរបស់កំប៉ុងប៉ុបដែលងាយស្រួលកាន់ និងរសជាតិស្រទន់ រស់រវើក ព្រមទាំងភាពក្រអូបនៃស្រាបៀរ នឹងក្លាយជាពេញនិយមរបស់អតិថិជនយើងនាពេលខាងមុខនេះ»៕
ចែករំលែកព័តមាននេះ