ប្រទេសឥណ្ឌាទាក់ទាញសហគ្រិនបរទេសដោយផ្តល់សិទ្ធិស្នាក់នៅ
ប្រទេសឥណ្ឌា ៖ ឥណ្ឌាកំពុងតែព្យាយាមប្រកួតប្រជែងជាមួយប្រទេសសិង្ហបុរី និងហុងកុង ក្នុងការទាក់ទាញសហគ្រិនបរទេស ដោយផ្តល់សិទ្ធិស្នាក់នៅរយៈពេលយូរដើម្បីប្តូរយកការវិនិយោគ ។
ប្រទេសឥណ្ឌា ៖ ឥណ្ឌាកំពុងតែព្យាយាមប្រកួតប្រជែងជាមួយប្រទេសសិង្ហបុរី និងហុងកុង ក្នុងការទាក់ទាញសហគ្រិនបរទេស ដោយផ្តល់សិទ្ធិស្នាក់នៅរយៈពេលយូរដើម្បីប្តូរយកការវិនិយោគ ។
ប្រទេសឥណ្ឌា ៖ ឥណ្ឌាកំពុងតែព្យាយាមប្រកួតប្រជែងជាមួយប្រទេសសិង្ហបុរី និងហុងកុង ក្នុងការទាក់ទាញសហគ្រិនបរទេស ដោយផ្តល់សិទ្ធិស្នាក់នៅរយៈពេលយូរដើម្បីប្តូរយកការវិនិយោគ ។
អ្នកនាំពាក្យរដ្ឋាភិបាល លោក Frank Noronha បាននិយាយថា គណៈរដ្ឋមន្ត្រីបានយល់ព្រមទៅលើគម្រោងក្នុងការអនុញ្ញាតឲ្យជនបរទេសមករស់នៅក្នុងប្រទេសឥណ្ឌា ប្រសិនបើពួកគេវិនិយោគគ្រប់ចំនួនចូលក្នុងសេដ្ឋកិច្ចជាតិ ។
នៅក្រោមសំណើរបស់ក្រសួងលំនៅឋាន ជនបរទេសដែលវិនិយោគប្រមាណ១,៤៩លានដុល្លារអាមេរិកក្នុងអំឡុងពេល១៨ខែ ឬ៣,៧៣លានដុល្លារអាមេរិកក្នុងអំឡុងពេល៣ឆ្នាំ និងមានសិទ្ធិរស់នៅប្រទេសឥណ្ឌារយៈពេល១០ឆ្នាំ ។ ប្រសិនបើជនបរទេសនោះមានគ្រប់លក្ខខណ្ឌផ្សេងទៀត សិទ្ធិរស់នៅនេះនឹងអាចបន្តរយៈពេល១០ឆ្នាំទៀត ។
នាយករដ្ឋមន្ត្រី លោក Narendra Modi កំពុងតែព្យាយាមបង្ហាញថា ប្រទេសឥណ្ឌាមានសេដ្ឋកិច្ចដ៏ធំ និងលូតលាស់លឿនជាងគេ ដើម្បីទាក់ទាញការវិនិយោគ ជាពិសេស ក្នុងវិស័យផលិតកម្ម ក្នុងគោលបំណងបង្កើតការងារជូនអ្នកក្រីក្រ ។
ប៉ុន្តែនៅមានឧបសគ្គមួយចំនួនដូចជា ច្បាប់ទម្លាប់ខុសប្លែក បរិយាកាសកខ្វក់ និងបញ្ហាផ្លូវចង្អៀត ដូចដែលបានឃើញកាលពីរដ្ឋលេខាធិការសហរដ្ឋអាមេរិក លោក John Kerry បានធ្វើដំណើរទៅប្រទេសឥណ្ឌាកាលពីថ្ងៃចន្ទ ដែលពេលនោះក្បួនរថយន្តរបស់លោក ត្រូវបានស្ទះចរាចរណ៍លើផ្លូវអស់ប្រមាណ២ម៉ោង ។
បើងាកមកមើលសំណើមួយនេះវិញ ប្រសិនបើជនបរទេសមករស់នៅក្នុងប្រទេសឥណ្ឌា គឺពួកគេមានសិទ្ធិទិញផ្ទះ មានប្រពន្ធ និងកូន មានសិទ្ធិក្នុងការប្រកបការងារ និងរៀនសូត្រទៀតផង ។ ប៉ុន្តែសម្រាប់ប្រជាជនដែលមានសញ្ជាតិប៉ាគីស្ថាន គឺមិនត្រូវបានរាប់បញ្ចូលក្នុងគម្រោងនេះទេ ។
លោក Mohan Guruswamy អតីតរដ្ឋមន្ត្រីក្រសួងហិរញ្ញវត្ថុ ថ្លែងថា ៖ « នេះគឺជាការបង្ហាញពីការបើកទូលាយបន្ថែមទៀតដល់វិនិយោគិនបរទេស » ។
រដ្ឋមន្ត្រីក្រសួងហិរញ្ញវត្ថុ Arun Jaitley បានបង្ហាញថា សំណើសម្រាប់ការរស់នៅរយៈពេលយូរនឹងមាននៅក្នុងខែកុម្ភៈ តែលោកមិនបានផ្តល់ព័ត៌មានលម្អិតបន្ថែមទេ ។
គួរបញ្ជាក់ថា បច្ចុប្បន្ន វិនិយោគិនគ្រាន់ តែទទួលបានវីសាដែលមានរយៈពេល៥ឆ្នាំប៉ុណ្ណោះ។ ការវិនិយោគផ្ទាល់ពីបរទេសក្នុងប្រទេសឥណ្ឌា បានកើនឡើង២៣% ឬស្មើនឹង៥៥ប៊ីលានដុល្លារអាមេរិកក្នុងរយៈពេល១២ខែ ។
ក្នុងសន្ទស្សន៍នៃភាពងាយស្រួលក្នុងការ ប្រកបអាជីវកម្មរបស់ World Bank ក្នុង ឆ្នាំនេះបានឲ្យដឹងថា ប្រទេសឥណ្ឌាជាប់ចំណាត់ថ្នាក់លេខ១៣០ ក្នុងចំណោមប្រទេសទាំង១៨៩ ដែលបានកើនឡើង៤ចំណាត់ថ្នាក់ បើធៀបនឹងឆ្នាំមុន ប៉ុន្តែនៅតែទាបជាងប្រទេសអាស៊ីមួយចំនួនដូចជា សិង្ហបុរី និងហុងកុង ៕
ចែករំលែកព័តមាននេះ