ខេត្តស្ទឹងត្រែង ៖ ក្រុមឧក្រិដ្ឋកម្មគ្រឿ.ង.ញៀ.នឆ្លងដែនពីប្រទេសឡាវចូលមកកម្ពុជានាប៉ុន្មានឆ្នាំចុងក្រោយនេះ ហាក់ហក់ឡើងយ៉ាងគំហុក និងមានបរិមាណច្រើនសន្ធឹកសន្ធាប់ ខុសពីការជួញដូរឆ្លងដែនលួចលាក់ ។ ជាក់ស្តែង គ្រឿ.ងញៀ.នត្រូវគេដឹកជញ្ជូនយ៉ាងបើកចំហលើគោយន្តកន្ត្រៃចំនួន៣គ្រឿង មាន៣២បេ…
ខេត្តស្ទឹងត្រែង ៖ ក្រុមឧក្រិដ្ឋកម្មគ្រឿ.ង.ញៀ.នឆ្លងដែនពីប្រទេសឡាវចូលមកកម្ពុជានាប៉ុន្មានឆ្នាំចុងក្រោយនេះ ហាក់ហក់ឡើងយ៉ាងគំហុក និងមានបរិមាណច្រើនសន្ធឹកសន្ធាប់ ខុសពីការជួញដូរឆ្លងដែនលួចលាក់ ។ ជាក់ស្តែង គ្រឿ.ងញៀ.នត្រូវគេដឹកជញ្ជូនយ៉ាងបើកចំហលើគោយន្តកន្ត្រៃចំនួន៣គ្រឿង មាន៣២បេ ស្មើ៦៤០ដុំ តាមការប៉ាន់ស្មានជាងកន្លះតោន ដោយត្រូវបានបង្ក្រាបដោយកម្លាំងទាហាន និងប៉ូលិសឡាវការពារព្រំដែន នៅចំណុចផ្លូវខ្សែភ្លើងហួសប៉ុស្តចាស់ដុងក្រឡ កាលពីវេលាម៉ោង២និង០០នាទីយប់រំលងអធ្រាត្រ ឈានចូលថ្ងៃទី២៥ មីនា ២០២២ ។
មន្ត្រីនគរបាលBLOប្រចាំច្រកទ្វារអន្តរជាតិកម្ពុជា-ឡាវ អោយដឹងថា គ្រឿ.ងញៀ.នខាងលើ ជាប្រភេទ (ខេ) វិចខ្ចប់ក្នុងថង់ផ្លាស្ទិក ពណ៌បៃតង និងច្រកក្នុងការ៉ុងពណ៌បៃតង ដឹកតាមគោយន្តកន្ត្រៃក្នុងគោលបំណងចូលកម្ពុជា តែត្រូវកម្លាំងទាហាន និងប៉ូលិសឡាវល្បាតតាមព្រំដែន ទប់ស្កាក់ការរត់ពន្ធ រថយន្តអត់ពន្ធពីកម្ពុជាចូលទៅប្រភេសឡាវប្រទះឃើញមនុស្សមួយក្រុម គោយន្ត៣គ្រឿង ក៏បានឃាត់អោយឈប់ពួកក្រុមឧក្រិដ្ឋជនទាំងនោះរត់គេចខ្លួនចូលព្រៃបាត់អស់ ។កហរោយការឆែកឆេទើបដឹងថាគ្រឿ.ង.ញៀ.ន ទើបនាំទៅរក្សាទុកនៅប៉ុស្តិ៍ព្រំដែនក្នុងទឹកដីឡាវតែម្តង។
ប្រភពព័ត៌មានអោយដឹងថា កំឡុងពេលថ្មីៗនេះ មានជនអនាមិកផ្ញើសារទៅសម្តេចក្រឡាហោម ស ខេង ថានឹងមានការរត់ពន្ធគ្រឿងញៀនឆ្លងដែនពីឡាវចូលកម្ពុជា សម្តេចក្រឡាហោម បានដាក់បទបញ្ជាអោយកម្លាំងមន្ទីរប្រឆាំងគ្រឿងញៀនដាក់កម្លាំងបង្កប់នៅតាមព្រំដែនកម្ពុជា-ឡាវ មិនបានប៉ុន្មានផង ស្រាប់តែធ្លាយមែន តែសំណាងត្រូវបានទាហាន និងប៉ូលិសឡាវឃាត់ជាប់នៅព្រំដែន កុំអីចូលកម្ពុជាមិនដឹងធ្លាយទៅដល់ទីណាខ្លះទេ !
ព័ត៌មានលម្អិតនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ