ខេត្តកំពង់ស្ពឺ ៖ បុរសម្នាក់ត្រូវគេសង្ស័យថា មានវិបត្តិស្នេហ៍បានយកម៉ូទ័រអារ.កសម្លា.ប់ខ្លួនឯងនៅលើផ្ទះអ្នកស្គាល់គ្នាមួយ បណ្តាល ឱ្យប្រកាច់ស្លា.ប់ភ្លាមមួយរំពេច តែមុនធ្វើអត្តឃា.តជនរងគ្រោះបានទូរស័ព្ទទៅលាម្តាយជាលើកចុងក្រោយ ដែលហេតុ ការណ៍នេះ កើតឡើងកាលពីវេលាម៉ោង០៩ និង៥០នាទីយប់ថ្ងៃទី០២ កញ្ញា ២០១៦ ស្ថិតនៅភូមិក្រាំងថ្នល់ ឃុំមហាសាំង ស្រុក
ខេត្តកំពង់ស្ពឺ ៖ បុរសម្នាក់ត្រូវគេសង្ស័យថា មានវិបត្តិស្នេហ៍បានយកម៉ូទ័រអារ.កសម្លាប់ខ្លួនឯងនៅលើផ្ទះអ្នកស្គាល់គ្នាមួយ បណ្តាលឱ្យប្រកាច់ស្លាប់ភ្លាមមួយរំពេច តែមុនធ្វើអត្តឃាតជនរងគ្រោះបានទូរស័ព្ទទៅលាម្តាយជាលើកចុងក្រោយ ដែលហេតុ ការណ៍នេះ កើតឡើងកាលពីវេលាម៉ោង០៩ និង៥០នាទីយប់ថ្ងៃទី០២ កញ្ញា ២០១៦ ស្ថិតនៅភូមិក្រាំងថ្នល់ ឃុំមហាសាំង ស្រុកភ្នំស្រួច ខេត្តកំពង់ស្ពឺ ។
ប្រភពឱ្យដឹងថា ជនរងគ្រោះដែលស្លាប់ឈ្មោះម៉ម ដានឹន អាយុ៣១ឆ្នាំ ជាជាងសំណង់បៀកថ្នាំ ស្នាក់នៅក្នុងសង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ ។ ចំណែកម្ចាស់ផ្ទះឈ្មោះណាវ សុភី អាយុ៤៣ឆ្នាំ រស់នៅកន្លែងកើតហេតុខាងលើ ។
តាមការបង្ហើបពីអ្នកដឹងរឿងថា មុនពេលកើតហេតុ ជនរងគ្រោះបានមកលេងផ្ទះរបស់ឈ្មោះណាវ សុភី (ផ្ទះកើតហេតុ) ដែលជាអ្នកស្គាល់គ្នា ។ លុះដល់វេលាម៉ោងខាងលើ ឈ្មោះម៉ម ដានឹន បានយកម៉ូទ័រកាត់ការ៉ូមកអារ.កសម្លាប់ខ្លួននៅលើផ្ទះ ដោយមិន ដឹងពីមូលហេតុនោះទេ បង្កឱ្យភ្ញាក់ផ្អើល ហើយម្ចាស់ផ្ទះបានរាយការណ៍ជូនសមត្ថកិច្ចចុះមកពិនិត្យនៅកន្លែងកើតហេតុ ។
ប្រភពក្រៅផ្លូវការណ៍មួយបង្ហើបថា ជនរងគ្រោះនិងកូនស្រីម្ចាស់ផ្ទះ ធ្លាប់មានទំនាក់ទំនងស្នេហ៍ជាមួយគ្នា ហើយមួយរយៈចុងក្រោយនេះ ទំនាក់ទំនងប្រហែលជាប្រេះឆា ទើបជនរងគ្រោះមកតាមនារីជាគូស្នេហ៍ ដើម្បីផ្សះផ្សាគ្នាឡើងវិញ តែទំនងជាមិនបានដូចប្រាថ្នា ទើបជនរងគ្រោះធ្វើអត្តឃាត នៅលើផ្ទះម្តាយរបស់នារីជាគូស្នេហ៍ ដើម្បីបញ្ជាក់ឱ្យឃើញពីទំហំចិត្តនៃក្តីស្រលាញ់របស់ខ្លួនចំពោះនារី ដែលខ្លួនស្រលាញ់។
ទោះបីជាយ៉ាងណា នេះគ្រាន់តែជាការលើកឡើងរបស់អ្នកជិតខាងប៉ុណ្ណោះ ឯរៀងរ៉ាវពិតយ៉ាងណានោះ មានតែក្រុមគ្រួសារទាំង២ទេ ទើបអាចបញ្ជាក់ការពិតបាន ។ បើតាមសមត្ថកិច្ចស្រង់សំដីម្ចាស់ផ្ទះបានឱ្យដឹងទៀតថា អ្វីដែលគួរឱ្យកត់សម្គាល់នោះត្រង់ថាមុនធ្វើអត្តឃាតសម្លាប់ខ្លួនឯង ជនរងគ្រោះបានទូរស័ព្ធទៅម្តាយរបស់ខ្លួនថា «កូនសូមលាហើយ» ក៏បិទទូរស័ព្ទ ហើយយកម៉ូទ័រកាត់ការ៉ូ មកអារបំពង់កខ្លួនឯងតែម្តង។
សមត្ថកិច្ចនគរបាលស្រុកភ្នំស្រួចឱ្យថា ក្រោយពិនិត្យសាកសពឃើញថា ជនរងគ្រោះពិតជាបានសម្លាប់ខ្លួនឯងប្រាកដមែន ។ សពជនរងគ្រោះត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី ។
ចែករំលែកព័តមាននេះ