ទីក្រុងម៉ានីល ៖ អាជ្ញាធរបាននិយាយថា យ៉ាងហោចណាស់មានមនុស្ស 12នាក់បានស្លា.ប់ និងជាច្រើននាក់ទៀតបានរងរបួស នៅពេលគ្រាប់បែកមួយគ្រាប់បានហែកច្រៀកផ្សាររាត្រី ដែលមានសភាពអ៊ូអរ
ទីក្រុងម៉ានីល ៖ អាជ្ញាធរបាននិយាយថា យ៉ាងហោចណាស់មានមនុស្ស 12នាក់បានស្លាប់ និងជាច្រើននាក់ទៀតបានរងរបួស នៅពេលគ្រាប់បែកមួយគ្រាប់បានហែកច្រៀកផ្សាររាត្រី ដែលមានសភាពអ៊ូអរ នៅទីក្រុងដាវ៉ាវ ប្រទេសហ្វីលីពីន ។
ការផ្ទុះនេះបានកើតឡើងនៅម៉ោង១១យប់ ថ្ងៃសុក្រ ទី២ កញ្ញា ២០១៦ ភ្លាមៗគេឃើញសាកសពនៅពាសពេញដី ចំពេលដែលបំណែកតុ និងកៅអីប្លាស្ទិច នៅរាយប៉ាយពេញលើផ្លូវ ដែលតម្រូវអោយអាជ្ញាធរបិទចរាចរណ៍នៅជុំវិញបរិវេណផ្សារ ក្នុងទីក្រុងដាវ៉ាវនេះ ។
ឧបករណ៍ផ្ទុះកែច្នៃត្រូវបានរកឃើញនៅកន្លែងកើតហេតុ សមត្ថកិច្ចដាក់ការសង្ស័យទៅលើក្រុមជួញដូរគ្រឿងញៀន ដែលប្រឆាំងទៅនឹងសង្គ្រាម Duterte របស់លោកប្រធានាធិបតីហ្វីលីពីន ឬអាចជាក្រុមសកម្មប្រយុទ្ធអ៊ីស្លាម ។
បើយោងតាមលោក Ernesto Abella អ្នកនាំពាក្យប្រធានាធិបតីបានអោយដឹងថា មនុស្ស១២នាក់ត្រូវបានគេអះអាងថា បានស្លាប់នៅនឹងកន្លែង ហើយជាង៣០នាក់ផ្សេងទៀតបានរងរបួស ។
ដាវ៉ាវជាទីក្រុងធំបំផុតនៅភាគខាងត្បូងហ្វីលីពីន ដែលមានប្រជាជនប្រមាណជា២លាននាក់។ ទីក្រុងដាវ៉ាវស្ថិតនៅចម្ងាយ១,៥០០គីឡូម៉ែត្រពីរដ្ឋធានីម៉ានីល៕
ចែករំលែកព័តមាននេះ