រាជធានីភ្នំពេញ៖ដើម្បីមានភាពងារស្រូលក្នុងការទទួលបានព័ត៌មានថ្មីៗ SharePong បានប្រកាសដាក់បណ្តាញចែកចាយអត្ថបទ ឬព័ត៌មានថ្មីទៅកាន់អ្នកប្រើប្រាស់បណ្តាញសង្គមនៅថ្ងៃទី0២ ខែកញ្ញានេះ បានប្រកាសចាប់ផ្តើមដំណើរការបណ្តាញរបស់ខ្លួនក្នុងការចែកជូនដល់អ្នកចូលចិត្តចែកចាយព័ត៌មាន ឬការកំសាន្តផ្សេងៗ នូវឱកាសនៃការរកចំណូលបានពីការចែកចាយរបស់ខ្លួន។
លោក Andrew Tan សហស្ថាបនិករបស់ SharePong បានឲ្យដឹងថា មូលហេតុដែលដាក់ដំណើរការបណ្តាញនេះ ដោយសារការលោកមើលឃើញពីការកើនឡើងនៃចំនួនអ្នកប្រើប្រាស់បណ្តាញសង្គម គឺច្រើនគួរឲ្យភ្ញាក់ផ្អើលណាស់។ ទាំងនេះហើយដែលនាំឲ្យមានចំនួនកើនឡើងថេរនៃបណ្តាញរកប្រាក់ចំណូលតាមបណ្តាញអ៊ីនធើណិត ក៏ដូចជាបណ្តាញចែកចាយ SharePong បានចូលខ្លួនមកជួយប្រជាជនកម្ពុជា ជាពិសេសយុវវ័យឲ្យទទួលបានគុណប្រយោជន៍ជាមួយគ្នា។ លោកបន្តថា តាមរយៈគេហទំព័រ SharePong សមាជិករបស់យើងនឹងបានទទួលរង្វាន់ជាសាច់ប្រាក់ បូកជាមួយចំនួនពិន្ទុ រាប់បញ្ចូលទាំងអស់ពីការចែករំលែកនូវអត្ថបទដែលជួយផ្សព្វផ្សាយម៉ាកតាមអនឡាញនេះ ។ ព័ត៌មានដែលសុក្រឹតត្រឹមត្រូវដែលចេញពីបណ្តាញ នឹងផ្តល់ឲ្យសមាជិកទាំងអស់នូវឱកាសរកប្រាក់ចំណូលឡើងរហូតដល់៥០ដុល្លារ ក្នុង១សប្តាហ៍ រួមជាមួយរង្វាន់ជាច្រើនទៀត។ លោកថាអ្នកចែករំលែក (Sharers) អាចរកប្រាក់បានពីបណ្តាញនេះ គឺនៅពេលមានមិត្តភក្តិរបស់ពួកគេបានចុចលើតំណភ្ជាប់ (Links) ហើយក៏បានជួយផ្សព្វផ្សាយដល់ម៉ាក ដែលយើងអាចឃើញការរីកចម្រើននេះ តាមរយៈយុទ្ធសាស្រ្តតាមអនឡាញរបស់យើងនឹងភ្នែកតែម្តង។
លោក Tan បានបន្ថែមទៀតថា៖«ក្មេងជំនាន់ក្រោយ គឺទំនងជាជឿទុកចិត្តមិត្តភក្តិ ជាងការផ្សាយពាណិជ្ជកម្មផ្សេងៗ។ ដូចច្នេះSharePong បានផ្សារភ្ជាប់គម្លាតរវាងម៉ាក និងអ្នកប្រើប្រាស់អនឡាញ នូវព័ត៌មានជាក់់ច្បាស់ដែលគួរឱ្យរំភើប, សប្បាយ, ពោរពេញដោយព័ត៌មាននិងសំខាន់បំផុតនោះ គឺជាព័ត៌មានដែលចាំបាច់សម្រាប់មនុស្សឲ្យកាន់តែជិតចូលគ្នា ។ យើងសង្ឃឹមថា SharePong នឹងក្លាយជាវេទិកាសំខាន់មួយជួយលើកកម្ពស់ជីវភាពប្រជាពលរដ្ឋនិងត្រួសត្រាយផ្លូវសម្រាប់ការបង្កើតគំនិតអភិឌ្ឍន៍ថ្មីៗក្នុងប្រទេសកម្ពុជា៕
ចែករំលែកព័តមាននេះ