ខេត្តបន្ទាយមានជ័យ ៖ រទេះរុញ១គ្រឿងដែលស្ត្រីចំណាស់ចិញ្ចឹមចៅក្បាលធំ នៅភូមិក្បាលកោះសង្កាត់ និងក្រុងប៉ោយប៉ែតដង្ហោយចង់បាន ដើម្បីដាក់ឲ្យចៅអង្គុយកាត់បន្ថយការលំបាករបស់គាត់នាពេលកន្លងមកតាមរយៈកោះសន្តិភាព ពេលនេះ បានទទួលដូចបំណងប្រាថ្នាហើយ។
ហើយក្រៅពីរទេះរុញដ៏ស្រស់ស្អាត និងមានតម្លៃផងនោះ គ្រួសាខាងលើក៏បានទទួលអំណោយជាគ្រឿងឧបភោគបរិភោគ រួមមានអង្ក១០០គីឡូក្រាម, ទឹកត្រី២យួរ, ទឹកដ៊ីអ៊ីវ២យួរ, ត្រីខ២យួរ, ភួយ និងអាវរងារ២ឈុត,ម៉ាស់៥ដុំ, ថវិកា៥០ម៉ឺនរៀល និងកង់១គ្រឿង ពីអាជ្ញាធរក្រុងប៉ោយប៉ែត នៅព្រឹកថ្ងៃទី២២ មីនា ២០២២ ។
លោកគាត ហ៊ុលអភិបាលនៃគណៈអភិបាលក្រុងប៉ោយប៉ែត ដែលដឹកនាំក្រុមការងារនាំយកអំណោយផ្តល់ជូនគ្រួសាខាងលើប្រាប់កោះសន្តិភាពថា ណោយទាំងនេះ ជារបស់លោកឧបនាយករដ្ឋមន្ត្រីកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ។
ជាការយកចិត្តទុកដាក់តាមប្រសាសន៍ណែនាំរបស់ថ្នាក់លើ លោកអភិបាលក្រុងបានសន្យាផ្តល់អង្ករចំនួន៥០គីឡូក្រាមជារៀងរាល់ខែ ដល់គ្រួសារមួយនេះទៀតផង ។ សូមបញ្ជាក់ថា កន្លងទៅថ្មីៗលោកគាត ហ៊ុល អភិបាលនៃគណៈអភិបាលក្រុងប៉ោយប៉ែត ក៏បានផ្តល់អំណោយដល់គ្រួសាខាងលើនូវអង្កចំនួន៥០គីឡូក្រាម និង
ថវិកា១០ម៉ឺនរៀល តាមរយៈភ្នាក់ងារកោះសន្តិភាពប្រចាំខេត្តបន្ទាយមានជ័យម្តងរួចទៅហើយ។
គួរបញ្ជាក់ថា អំឡុងពេលលោកអភិបាលក្រុងប៉ោយប៉ែតដឹ កនាំមន្ត្រីក្រោមឪវាទនាំយកអំណោយលោកឧបនាយករដ្ឋមន្ត្រី កែ គឹមយ៉ាន ផ្តល់ជូនគ្រួសាខាងលើ ក៏មានពលរដ្ឋមួយក្រុមដែលរស់នៅម្តុំកន្លែងកើតហេតុរៀបរាប់ពីផ្លូវលំបាកនារដូវវស្សា។ ជាកាឆ្លើយតបភ្លាមៗ លោកគាត ហ៊ុល អភិបាលនៃគណៈអភិបាលក្រុងប៉ោយប៉ែតបានសន្យាផ្តល់ថ្មមិច ដើម្បីក្រាលលើផ្លូវលំដែលមានស្រាប់ជូនពលរដ្ឋតាមសំណើរ និងថាការចំណាយទាំងនេះ ជាថវិការបស់លោកឧបនាយករដ្ឋមន្ត្រីកែ គឹមយ៉ាន សម្រួលដល់កាលំបាករបស់ពលរដ្ឋ ។
ចែករំលែកព័តមាននេះ