ប្រទេសជប៉ុន ៖ អត្រាគ្មានការងារធ្វើនៅក្នុងប្រទេសជប៉ុនបានធ្លាក់ចុះ៣%នៅខែកក្កដា ដែលជាកម្រិតទាបបំផុតក្នុងរយៈពេល២១ឆ្នាំកន្លងមក ខណៈដែលការងារជាតិមានភាពប្រសើរឡើង ។ នេះបើយោងតាម
ប្រទេសជប៉ុន ៖ អត្រាគ្មានការងារធ្វើនៅក្នុងប្រទេសជប៉ុនបានធ្លាក់ចុះ៣%នៅខែកក្កដា ដែលជាកម្រិតទាបបំផុតក្នុងរយៈពេល២១ឆ្នាំកន្លងមក ខណៈដែលការងារជាតិមានភាពប្រសើរឡើង ។ នេះបើយោងតាមរដ្ឋាភិបាលបានឱ្យដឹងកាលពីថ្ងៃអង្គារ ។
យោងតាមក្រសួងកិច្ចការផ្ទៃក្នុង និងគមនាគមន៍ អត្រាគ្មានការងារធ្វើក្នុងខែកក្កដា ស្មើនឹង៣% ។ មនុស្សមានការងារធ្វើ ដែលត្រូវបានគេកត់ត្រាសរុបមានចំនួន៦៤.៧៩លាននាក់ កើនឡើង៩៨ម៉ឺននាក់ ឬ១,៥%ពីឆ្នាំមុន។ រីឯអ្នកគ្មានការងារធ្វើនៅក្នុងខែកក្កដា ស្មើនឹង២,០៣លាននាក់ ថយចុះ១៩ម៉ឺននាក់ ឬ៨,៦%ពីឆ្នាំមុន ។
អត្រាមានការងារធ្វើនៅប្រទេសជប៉ុន មានកម្រិតថេរដដែលនៅក្នុងខែកក្កដា និងមាន១៣៧មុខតំណែងសម្រាប់មនុស្ស១០០នាក់ដែលកំពុងស្វែងរកការងារធ្វើ ។ ចំពោះស្ត្រី អត្រាគ្មានការងារធ្វើបានធ្លាក់ចុះ០,៣% នៅសល់ត្រឹម២,៧% ខណៈបុរស អត្រានេះគ្មានការផ្លាស់ប្តូរទេនៅក្នុងខែកក្កដា គឺនៅ៣,២%ដដែល ។
ដោយឡែក ទិន្នន័យរបស់ក្រសួងពាណិជ្ជកម្មបង្ហាញថា ការចំណាយរបស់គ្រួសារនៅក្នុងប្រទេសជប៉ុន បានធ្លាក់ចុះ០,៥%ក្នុងខែកក្កដា ពោលគឺមានចំនួន២៧៨.០៦៧យ៉េន (២.៧២៨ដុល្លារអាមេរិក) បើធៀបនឹងឆ្នាំមុន ។
ក្រសួងនេះបានរក្សាការវាយតម្លៃជាមូលដ្ឋានរបស់ខ្លួនពីខែមុននៃការចំណាយរបស់គ្រួសារ ដោយបញ្ជាក់ថា វានៅតែមានភាពទន់ខ្សោយ។ សំណុំទិន្នន័យនេះ គឺជារង្វាស់សំខាន់នៃការប្រើប្រាស់ឯកជននៅក្នុងប្រទេសជប៉ុន ៕
ចែករំលែកព័តមាននេះ