Crish Brown យកកាំភ្លើងភ្ជង់អតីតបវរកញ្ញា Baylee Curran
លោក Chris Brown ត្រូវសមត្ថកិច្ចចាប់ខ្លួន កាលពីល្ងាចថ្ងៃទី៣០ សីហា ២០១៦ ក្រោយពីអតីតបវរកញ្ញា Baylee Curran ប្តឹងថា នាងត្រូវលោក Brown យកកាំភ្លើងភ្ជង់គំរាម ពេលចូលរួមពិធីជប់លៀង
លោក Chris Brown ត្រូវសមត្ថកិច្ចចាប់ខ្លួន កាលពីល្ងាចថ្ងៃទី៣០ សីហា ២០១៦ ក្រោយពីអតីតបវរកញ្ញា Baylee Curran ប្តឹងថា នាងត្រូវលោក Brown យកកាំភ្លើងភ្ជង់គំរាម ពេលចូលរួមពិធីជប់លៀងនៅផ្ទះរបស់គេក្នុងតំបន់ Tarzana California ។
ប៉ូលិសឱ្យដឹងថា Chris Brown ប្រព្រឹត្តខុសច្បាប់ជាច្រើនករណី និងហេតុការណ៍ចុងក្រោយត្រូវនារីរងគ្រោះចោទប្រកាន់ថា បានប្រើអាវុធគំរាម ។ តាមការរៀបរាប់របស់នារីរងគ្រោះថា លោក Brown និងមិត្តភក្តិបានយកគ្រឿងពេជ្រដាក់តាំងបង្ហាញក្នុងពិធីជប់លៀង ហើយគ្រាន់តែនាងនិយាយថា ពេញចិត្តគ្រឿងពេជ្រមួយប្រភេទ ស្រាប់មិត្តរបស់គេខឹង ។ ចំណែកលោក Brown យកកាំភ្លើងគំរាម និងដេញនាងចេញពីពិធី ។ នៅពេលនាងដើរចេញ ស្រាប់តែពួកគេបង្ខំឱ្យនាងចុះហត្ថលេខាលើកិច្ចព្រមព្រៀងមួយ តែនាងមិនព្រម ។ លោក Chris Brown ជាសិល្បករមានទេពកោសល្យទាំងការរាំ និងច្រៀង ប៉ុន្តែគេមានរឿងអាស្រូវដោយបង្កបញ្ហាខុសច្បាប់ជាច្រើនលើក។ លោក Brown ធ្លាប់ធ្វើបាបលើរាងកាយរបស់នាង Rihanna ដែលសេពគប់គ្នានៅឆ្នាំ២០០៩។ មុនពេលទទួលរង្វាន់ «Grammy» ធ្វើឱ្យគេជាប់ទោស ៕
ចែករំលែកព័តមាននេះ