កុំព្យូទ័រដ៏កម្រដែលធ្វើឡើងក្រោមស្នាដៃលោក Steve Jobs និងលោក steve Wozniak នាឆ្នាំ១៩៧៦ នោះលក់បានតម្លៃ៨១៥.០០០ដុល្លារអាមេរិក ក្នុងការដេញថ្លៃតាមប្រព័ន្ធអីុនធើរណេត CharityBuzz នាពេលថ្មីៗនេះ តែក្រោយពីការសម្រេចលក់ហើយក៏មានអ្នកដេញថ្លៃម្នាក់ឲ្យតម្លៃកុំព្យូទ័រនោះក្នុងតម្លៃ១,២លានដុល្លារ តែហួសពេលទៅហើយ ។ វាជាប្រភេទកុំព្យូទ័រដែលមិនដែលដាក់លក់ទេ ។
កុំព្យូទ័រនេះគេឲ្យឈ្មោះវាថា Apple-1 ដែលជាប្រភេទកុំព្យូទ័រដំបូងបំផុតក្នុងប្រវត្តិសាស្ត្ររបស់ក្រុមហ៊ុន Apple ហើយក៏ជាប្រភេទកុំព្យូទ័រដែលផលិតឡើងតាមតម្រូវការរបស់អតិថិជនតែប៉ុណ្ណោះ ។ មួយវិញទៀត ដើម្បីអាចផលិតកុំព្យូទ័រមួយនេះបាន លោកSteve Jobs បានសម្រេចលក់រថយន្ត Volkswagen Microbus មួយគ្រឿង ចំណែកលោកSteve Wozniak ក៏បានលក់ម៉ាស៊ីនគិតលេខ HP-65 calculator. មួយគ្រឿងផងដែរដើម្បីបានលុយមកផលិតកុំព្យូទ័រនេះ ។
នៅក្នុងឆ្នាំ១៩៧៦ ប្រភេទកុំព្យូទ័រ Apple-1 លក់ក្នុងតម្លៃ៦៦៦,៦៦ដុល្លារអាមេរិកនៅផ្សារByte Shope នារដ្ឋកាលីហ្វ៊័រនីញ៉ា ។ កុំព្យូទ័រApple-1 នេះនៅមិនទាន់អាចប្រើប្រាស់បាននៅឡើយទេ តែវាមានចំណុចពិសេសត្រង់ថា វាជាកុំព្យូទ័រដែលមានប្រភេទ Board តែមួយនៅក្នុងលោក ៕
ចែករំលែកព័តមាននេះ