រាជធានីភ្នំពេញ ៖ ក្រសួងធធានទឹក និងឧតុនិយមបានបញ្ជាក់កម្ពុជាបានរងឥទ្ធិពលជ្រលងសម្ពាធទាបពីឥណ្ឌាធ្វើឲ្យមានសន្ទុះទឹកភ្លៀងកើនឡើងលាយឡំបាតុភូតផ្គរ រន្ទះ និងខ្យល់កន្ត្រាក់ ។ យោងតាមសេចក្តីជូនដំណឹងស្ដីពីស្ថានភាពធាតុអាកាស ចាប់ពីថ្ងៃទី ២៣-២៩…
រាជធានីភ្នំពេញ ៖ ក្រសួងធធានទឹក និងឧតុនិយមបានបញ្ជាក់កម្ពុជាបានរងឥទ្ធិពលជ្រលងសម្ពាធទាបពីឥណ្ឌាធ្វើឲ្យមានសន្ទុះទឹកភ្លៀងកើនឡើងលាយឡំបាតុភូតផ្គរ រន្ទះ និងខ្យល់កន្ត្រាក់ ។
យោងតាមសេចក្តីជូនដំណឹងស្ដីពីស្ថានភាពធាតុអាកាស ចាប់ពីថ្ងៃទី ២៣-២៩ ខែមីនា ឆ្នាំ២០២២ របស់ក្រសួងធនធានទឹក នៅថ្ងៃទី២២មីនា បានលើកឡើងថា ព្រះរាជាណាចក្រកម្ពុជាទទួលឥទ្ធិពលពីជ្រលងសម្ពាធទាប (ឥណ្ឌា) និងខ្យល់បក់មកពីទិសអាគ្នេយ៍ដែលនាំមកនូវសំណើមពីសមុទ្រចិនខាងត្បូង ។
ក្រសួងថា ស្ថានភាពបែបនេះនឹងធ្វើឲ្យបណ្ដាខេត្តនៅតំបន់វាលទំនាបកណ្ដាលមានសីតុណ្ហភាពអប្បបរមាមានពី២៤-២៧ អង្សសេនិងសីតុណ្ហភាពអតិបរមាមានពី៣៣-៣៦អង្សាសេ ។ នឹងអាចមានភ្លៀងក្នុងកម្រិតពីខ្សោយទៅបង្គួរលាយឡំទៅដោយផ្គរ រន្ទះ និងខ្យល់កន្ត្រាក់ ។
ចំណែកបណ្តាខេត្តដាប់ជួរភ្នំដងរក និងខ្ពង់រាបឦសានមាន សីតុណ្ហភាពអប្បបរមា មានពី ២៣-២៦អង្សាសេនឹងសីតុណ្ហភាពអតិបរមា មានពី ៣៣-៣៦អង្សាសេ នឹងអាចមានភ្លៀងក្នុងកម្រិតពីខ្សោយទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ។
ដោយឡែកតំបន់មាត់សមុទ្រមាន សីតុណ្ហភាពអប្បបរមា មានពី ២៣-២៥អង្សាសេនឹងសីតុណ្ហភាពអតិបរមា មានពី ៣២-៣៤អង្សាសេ នឹងអាចមានភ្លៀងក្នុងកម្រិតពីខ្សោយទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ។ ដោយឡែកនៅថ្ងៃ២៨-២៩ ខែមីនា ភ្លៀងនឹងមានសន្ទុះកើនឡើង ៕
ចែករំលែកព័តមាននេះ