រាជធានីភ្នំពេញ៖ NTT Communications (NTT Com) ដែលជាក្រុមហ៊ុនផ្តោតទៅលើបច្ចេកវិទ្យា ICT Solution និងអាជីវកម្មទំនាក់ទំនងអន្តរជាតិស្ថិតនៅក្នុងក្រុម NTT(NYSE:NTT) និងបានពង្រីកអាជីវកម្ម
រាជធានីភ្នំពេញ៖ NTT Communications (NTT Com) ដែលជាក្រុមហ៊ុនផ្តោតទៅលើបច្ចេកវិទ្យា ICT Solution និងអាជីវកម្មទំនាក់ទំនងអន្តរជាតិស្ថិតនៅក្នុងក្រុម NTT(NYSE:NTT) និងបានពង្រីកអាជីវកម្មរបស់ខ្លួនមកដល់ប្រទេសកម្ពុជាក្នុងឆ្នាំ២០១០ ។ ក្រុមហ៊ុននេះបានផ្គត់ផ្គង់លើសេវាកម្មអ៊ីនធើរណេត និងផ្តល់នូវបច្ចេកវិទ្យា ICT Solution ទៅដល់អតិថិជនបែបសាជីវកម្មជាច្រើន។
តាមសេចក្តីប្រកាសព័ត៌មានមួយរបស់ក្រុម NTT Communications ថា ខ្លួនបានធ្វើការសហការជាមួយនឹង Minebea ក្នុងការផ្គត់ផ្គង់នូវ Private network ចំពោះអំពូលភ្លើងបែបអ៊ិលអ៊ីឌីបំពាក់នៅតាមដងផ្លូវនៅតំបន់មួយចំនួនក្នុងទីក្រុងភ្នំពេញ និងខេត្តសៀមរាប ។ ប្រព័ន្ធដែលត្រូវបានគេប្រើក្នុងការគ្រប់គ្រង និងបញ្ជារាល់អំពូលអ៊ិលអ៊ីឌីទាំងអស់នេះ គឺត្រូវបានគេដំឡើងរួចរាល់ហើយជាស្រេចទៅតាមតំបន់នីមួយៗ។ ម្យ៉ាងវិញទៀត អំពូលភ្លើងទាំងនេះអាចធ្វើការបញ្ជាបិទ ឬបើកគ្រប់ពេលវេលា ទោះបីជានៅទីឆ្ងាយក៏ដោយ។ ការធ្វើបែបនេះ គឺបានកាត់បន្ថយការប្រើប្រាស់នូវ ឧស្ម័នកាបូនឌីអ៊ុកស៊ីត (CO2) រហូតដល់៥០% នៅក្នុងបរិស្ថាន បើធៀបនឹងអំពូលភ្លើងដែលមានកន្លងមក។ យ៉ាងណាវិញ គំរោងនេះគឺមានការគាំទ្រពីក្រសួងបរិស្ថានក្នុងប្រទេសជប៉ុនផងដែរ ។
NTT Communications (NTT Com) ក៏ផ្គត់ផ្គង់ផងដែរ នូវសេវាកម្ម Cloud និង Connectivity ទៅនឹង Gateway Locations នីមួយៗ ។ NTT communitcations (NTT Com) សង្ឃឹមថាប្រទេសកម្ពុជានឹងក្លាយជាប្រទេសមួយដែលរីកចំរើនផ្នែកអេឡិចត្រូនិចក្នុងការជួយពង្រីកវិស័យសេដ្ឋកិច្ច និងជីវភាពរស់នៅអោយមានកំរិតមួយដូចទៅនឹងប្រទេសជិតខាង ៕
ចែករំលែកព័តមាននេះ