ខេត្តបាត់ដំបង ៖ ការចាប់ផ្ដើមនៃដំណើរការចុះឈ្មោះបោះឆ្នោតថ្ងៃដំបូង ថ្ងៃទី១ កញ្ញា នេះ បើតាមមន្ត្រីនានាអះអាងថា ហាក់កំពុងដំណើការដោយលូន បើទោះជានៅតាមមណ្ឌលចុះឈ្មោះមួយចំនួន នៅតាមបណ្ដាស្រុកឆ្ងាយៗ ស្ថិតក្នុងសភាពស្ងប់ស្ងាត់បន្តិចក្ដី ។
ខេត្តបាត់ដំបង ៖ ការចាប់ផ្ដើមនៃដំណើរការចុះឈ្មោះបោះឆ្នោតថ្ងៃដំបូង ថ្ងៃទី១ កញ្ញា នេះ បើតាមមន្ត្រីនានាអះអាងថា ហាក់កំពុងដំណើការដោយលូន បើទោះជានៅតាមមណ្ឌលចុះឈ្មោះមួយចំនួន នៅតាមបណ្ដាស្រុកឆ្ងាយៗ ស្ថិតក្នុងសភាពស្ងប់ស្ងាត់បន្តិចក្ដី ។
សេចក្ដីរាយការណ៍ឱ្យដឹងថា មណ្ឌលចុះឈ្មោះបោះឆ្នោត ដែលមានទីតាំងនៅតាមទីប្រជុំជន មានពលរដ្ឋច្រើនបាន និងកំពុងធ្វើដំណើរទៅចុះឈ្មោះបោះឆ្នោត តែតាមមណ្ឌលដែលនៅទីជនបទឆ្ងាយដាច់ស្រាយាល ហាក់មានពលរដ្ឋតិចតួចបំផុត បានធ្វើដំណើរទៅចុះឈ្មោះ ។
ប៉ុន្តែមន្ត្រីដែលឃ្លាំមើលសកម្មភាពចុះឈ្មោះបោះឆ្នោតនេះបានអះអាងថា ចាប់តាំងពីព្រឹក រហូតមកដល់ពេលនេះ គេនៅមិនទាន់លិចឮព័ត៌មានណាមួយ ដែលពាក់ព័ន្ធនឹងភាពមិនប្រក្រតី ជុំវិញការចុះឈ្មោះបោះឆ្នោតនេះទេ ។ ប្រភពដដែលបញ្ជាក់ថា នេះជាថ្ងៃចុះឈ្មោះលើកដំបូង ដូច្នេះ ប្រជាពលរដ្ឋ ហាក់មិនទាន់បានត្រៀមលក្ខណៈគ្រប់គ្រាន់នៅឡើយ ។
ម្យ៉ាងទៀត ប្រជាពលរដ្ឋ ក៏កំពុងមមាញឹរកក្នុងការបង្កបង្កើនផល តែសង្ឃឹមថា ប្រជាពលរដ្ឋ នឹងឆ្លៀតឱកាសមួយថ្ងៃ ដើម្បីធ្វើដំណើរ ទៅចុះឈ្មោះបោះឆ្នោតឱ្យបានគ្រប់ៗគ្នា នៅតាមមណ្ឌលក្នុងមូលដ្ឋានរបស់ពួកគាត់ ។
ចែករំលែកព័តមាននេះ