ប្លន់ផ្ទះអាជីវករប្តូរប្រាក់ ប្រមូលអស់គ្មានសល់
ខេត្តកែប ៖ សេចក្តីរាយការណ៍ពីខេត្តកែបបានឲ្យដឹងថា ក្រុមចោរមួយក្រុមបានធ្វើសកម្មភាពប្លន់ផ្ទះប្រជាពលរដ្ឋនៅក្នុងភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប …
ខេត្តកែប ៖ សេចក្តីរាយការណ៍ពីខេត្តកែបបានឲ្យដឹងថា ក្រុមចោរមួយក្រុមបានធ្វើសកម្មភាពប្លន់ផ្ទះប្រជាពលរដ្ឋនៅក្នុងភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប …
ខេត្តកែប ៖ សេចក្តីរាយការណ៍ពីខេត្តកែបបានឲ្យដឹងថា ក្រុមចោរមួយក្រុមបានធ្វើសកម្មភាពប្លន់ផ្ទះប្រជាពលរដ្ឋនៅក្នុងភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប កាលពីវេលាម៉ោង១៨ និង៣០នាទីយប់ថ្ងៃទី៣១ ខែសីហា ឆ្នាំ ២០១៦ ។
សេចក្តីរាយការណ៍បន្តឲ្យដឹងទៀតថា ក្រុមចោរមានគ្នា៣នាក់ ប្រដាប់ដោយអាវុធខ្លី១ដើមមិនស្គាល់ម៉ាក ជិះម៉ូតូអាយខុន១គ្រឿងមិនស្គាល់ស្លាកលេខ បានមកចតនៅមុខផ្ទះជនរងគ្រោះស្ថិតក្នុងភូមិឃុំខាងលើ ។ បន្ទាប់មកដើរចូលទៅក្នុងផ្ទះជនរងគ្រោះ រួចដកកាំភ្លើងខ្លីវាយបុរសជាម្ចាស់ផ្ទះចំមុខ និងថ្ពាល់ខាងស្តាំ បណ្តាលឲ្យបែកឈាមហូរពេញមុខ ចំណែកបក្សពួក២នាក់ទៀតចូលរើកកាយយកទ្រព្យសម្បត្តិ មាស ប្រាក់ និងផ្លាកទីន ព្រមទាំងលុយដុល្លារ និងប្រាក់រៀលអស់រលីង ប៉ុន្តែទ្រព្យសម្បត្តិមាសប្រាក់ទាំងអស់នោះសមត្ថកិច្ចពុំទាន់បានសរុបថា អស់អ្វីប៉ុន្មាននោះទេ ដោយសមត្ថកិច្ចកំពុងធ្វើការសាកសួរជនរងគ្រោះនៅឡើយ ។
សមត្ថកិច្ចបានឲ្យដឹងថា ជនរងគ្រោះជាម្ចាស់ផ្ទះដែលត្រូវចោរចូលប្លន់ហើយវាយឲ្យរបួសនេះមានឈ្មោះ លឹម លួន ភេទប្រុស អាយុ៤១ឆ្នាំ មុខរបរជាអាជីវករប្តូរប្រាក់ ស្ថិតនៅភូមិឃុំខាងលើ ។ ក្រោយពីធ្វើសកម្មភាពរួច ក្រុមចោរបានជិះម៉ូតូឌុបគ្នាចេញទៅទិសខាងកើតតាមបណ្តោយផ្លូវលេខ៣៣Aបាត់ទៅ ។
បច្ចុប្បន្នកម្លាំងសមត្ថកិច្ចនៃស្នងការដ្ឋាននគរបាលខេត្តកែប ដឹកនាំដោយលោកឧត្តមសេនីត្រី អ៊ីង សំអុល ស្នងការនគរបាលខេត្ត កំពុងតាមប្រមាញ់យ៉ាងដុតដៃដុតជើង ដើម្បីស្រាវជ្រាវ និងស៊ើបអង្កេតរកមុខសញ្ញា ៕
ចែករំលែកព័តមាននេះ