រាជធានីភ្នំពេញ ៖ គ្រីស្ពី គ្រីម (Krispy Kreme) ដែលជាហាងនំដូណាត់មកពីសហរដ្ឋអាមេរិក បានចែកនំដូណាត់ចំនួន១ម៉ឺននំ ដោយឥតគិតថ្លៃក្នុងឱកាសបើកដំណើរការជាផ្លូវការនូវសាខាទី២របស់ខ្លួន នៅជាន់ផ្ទាល់ដីក្នុងផ្សារទំនើបអីុអនម៉ល ( AEON Mall) កាលពីព្រឹកថ្ងៃទី២៥ សីហា ២០១៦ កន្លងមកនេះ ។
បើតាមតំណាងតំណាងហាងគ្រីស្ពីគ្រីម ដើម្បីទទួលបាននំដូណាត់ដោយឥតគិតថ្លៃ លោកអ្នកគ្រាន់តែចូលរួមតម្រង់ជួរនៅខាងមុខហាងនំដូណាត់ Krispy Kreme សាខាផ្សារអ៊ីអនតែប៉ុណ្ណោះ ។ លក្ខខ័ណ្ឌសម្រាប់ទទួលបាននំដូណាត់ដោយឥតគិតថ្លៃនេះ រួមមាន ៖
១-អ្នកតម្រង់ជួរមុនគេទី១ នឹងទទួលបាននំដូណាត់ Original Glazed ពេញមួយឆ្នាំដោយឥតគិតថ្លៃ។
២-អ្នកតម្រង់ជួរមុនគេទី២ នឹងទទួលបាននំដូណាត់ Original Glazed រយៈពេល៦ខែ ដោយឥតគិតថ្លៃ ។
៣-អ្នកតម្រង់ជួរមុនគេទី៣ នឹងទទួលបាននំដូណាត់ Original Glazed រយៈពេល៣ខែ ដោយឥតគិតថ្លៃ។
៤-អ្នកតម្រង់ជួរមុនគេពីទី៤ រហូតដល់ទី១០០ នឹងទទួលបាននំដូហូណាត់ Original Glazed រយៈពេល១ខែ ដោយឥតគិតថ្លៃ។
៥-អ្នកតម្រង់ជួរមុនគេទី១០១ រហូតដល់ទី២០០ នឹងទទួលបាននំដូហូណាត់ Original Glazed រយៈពេល២សប្តាហ៍ ដោយឥតគិតថ្លៃ។
៦-អ្នកតម្រង់ជួរមុនគេទី២០១ រហូតដល់ទី៣០០ នឹងទទួលបាននំដូហូណាត់ Original Glazed រយៈពេល១សប្តាហ៍ ដោយឥតគិតថ្លៃ
៧- អ្នកតម្រង់ជួរមុនគេទី៣០១ រហូតដល់ទី៤០០ នឹងទទួលបានប័ណ្ណបញ្ចុះតម្លៃផ្សេងៗ។
លោក ទេពវីរៈ នាយកគ្រប់គ្រងទូទៅរបស់ក្រុមហ៊ុន EFG បានមានប្រសាសន៍ថា បន្ទាប់ពីទទួលបានការគាំទ្រយ៉ាងខ្លាំងពីសាធារណជន ហាងនំដូណាត់ Krispy Kreme បានបង្កើតសាខាទីពីរនេះ ហើយក៏មានគម្រោងពង្រីកទីតាំងជាបន្តបន្ទាប់ទៀតដែលនៅជិតផ្ទះរបស់អតិថិជនបំផុត ។ លោកបានបន្តថា ការនាំគ្រីសពីគ្រីមមកកម្ពុជា គឺចង់ឱ្យពលរដ្ឋកម្ពុជាបានស្គាល់រសជាតិនំដូណាត់ដ៏ល្បី។ ម្យ៉ាងទៀតទីផ្សារអាហារនៅកម្ពុជាមានការកើនឡើង ហើយរបៀបរបបរស់នៅរបស់ពលរដ្ឋខ្មែរផ្លាស់ប្តូរ ក្នុងនោះកម្រិតជីវភាពរបស់ប្រជាជនក៏ល្អប្រសើរច្រើន ចំនួនមនុស្សចូលចិត្តពិសាអាហារខាងក្រៅ និងការចង់ភ្លក់រសជាតិថ្មីក៏កើនឡើង ។
ហាងនំដូណាត់ Krispy Kreme ជាហាងនំដ៏ល្បីល្បាញនៅសហរដ្ឋអាមេរិក ហើយបានដាក់លក់នៅព្រះរាជាណាចក្រកម្ពុជា លើកដំបូងនៅថ្ងៃទី២២ ខែឧសភា ឆ្នាំ២០១៦ កន្លងមក ដោយសាខាទី១ ស្ថិតនៅកែងផ្លូវ ៣០២ និង៥១ (ផ្លូវប៉ាស្ទ័រ) បឹងកេងកង១ រាជធានីភ្នំពេញ ។ នំដូណាត់ គ្រីសស្ពី គ្រីម មានហាងជាង១.០០០ហាង នៅក្នុងប្រទេសចំនួន២៧ប្រទេស ក្នុងនោះក្រុមហ៊ុន អ៊ី អេហ្វ ជី (EFG) បុត្រសម្ព័ន្ធរបស់ អ អិម អេខេមបូឌា ទទួលបានសិទ្ធដាក់លក់ជាផ្លូវការនៅប្រទេសទី២៧ ក្នុងប្រទេសកម្ពុជា៕
ចែករំលែកព័តមាននេះ