ហ៊ានម៉្លេះ! ធ្វើសកម្មភាពលើនារីម្នាក់ទាំងកណ្តាលថ្ងៃចែស ត្រូវអស់លក្ខណ៍
- ស្ទឹងត្រែង
ខេត្តស្ទឹងត្រែង ៖ ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆ.ក់ទូរស័ព្ទពីនារីម្នាក់ តែពុំបានសម្រេច ក៏ត្រូវ
ខេត្តស្ទឹងត្រែង ៖ ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆ.ក់ទូរស័ព្ទពីនារីម្នាក់ តែពុំបានសម្រេច ក៏ត្រូវ
ខេត្តស្ទឹងត្រែង ៖ ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆ.ក់ទូរស័ព្ទពីនារីម្នាក់ តែពុំបានសម្រេច ក៏ត្រូវប៉ូលិសតាមចាប់ខ្លួនបានម្នាក់ ខណៈម្នាក់ទៀតរត់គេចខ្លួន។
ហេតុការណ៍ដែលបានកើតឡើងទាំងកណ្តាលថ្ងៃចែស និងស្តែងៗដែលពុំធ្លាប់កើតមាននៅខេត្តស្ទឹងត្រែង បង្កការភ្ញាក់ផ្អើលកាលពីរសៀលថ្ងៃទី១៩ មីនា ឆ្នាំ២០២០ នៅចំណុចកែងផ្សារសាមគ្គីស្ទឹងត្រែង កណ្តាលក្រុងស្ទឹងត្រែង ។
តាមប្រភពព័ត៌មានបានឱ្យដឹងថា នៅមុនកើតហេតុ គេឃើញនារីរងគ្រោះជិះម៉ូតូមួយគ្រឿងម៉ាកហ្ស៊ូមមឺ ចេញពីកែងផ្សារខាងលិចទៅកែងផ្សាខាងកើត ស្រាប់តែមានជនសង្ស័យ២នាក់ជិះម៉ូតូម៉ាកវ៉េវអាលហ្វា ពណ៌ក្រហម មួយគ្រឿង តាមពីក្រោយ លុះមកដល់ចំណុចកែងផ្សារក៏បានឆ.ក់ទូរស័ព្ទជនរងគ្រោះ តែដោយសារប៉ះនឹងដៃម៉ូតូនឹងគ្នាជនសង្ស័យក៏ដួលម៉ូតូ និងរត់គេចខ្លួន បន្សល់ទុកម៉ូតូចោលនិងស្បែកជើងមួយគូរនៅលើទ្រូង ។ តាមប្រភពដដែលបន្តថា ក្រោយកើតហេតុប្រហែលជាជាងកន្លះម៉ោង ក្រុមប៉ូលីសបានចាប់ខ្លួនជនសង្ស័យបានម្នាក់ភ្លាមៗ។
តាមការរៀបរាបរបស់នារីរងគ្រោះថា មុនពេលកើតហេតុ គាត់បានឌុបអីវ៉ាន់ទៅឱ្យគេនៅកែងផ្សារខាងលិច លុះត្រឡប់មកវិញ គាត់បានដាក់ទូរស័ព្ទនៅហោប៉ៅក្រោយ រួចជិះម៉ូតូត្រឡប់មកដល់កែងផ្សារខាងកើត ស្រាប់តែមានយុវជនពីរនាក់ឆ.ក់យកទូរស័ព្ទ តែដោយសារម៉ូតូរបស់ពួកគេប៉ះនឹងដៃចង្កូតគាត់ បណ្តាលអោយដួល ក៍រត់គេចខ្លួនបាត់តែម្តង តែមិនបាត់បង់ទូរស័ព្ទនោះទេ។
សមត្ថកិច្ចបានឱ្យដឹងថា បន្ទាប់កើតហេតុ កម្លាំងនគរបាលព្រហ្មទណ្ឌបានចុះស្រាវជ្រាវចាប់បានជនសង្ស័យម្នាក់ ឈ្មោះ លី ស៊ីឡុង ហៅ ធូ ភេទប្រុស អាយុ២០ឆ្នាំ រស់នៅភូមិកាំងដីស សង្កាត់ព្រះបាទ ក្រុងស្ទឹងត្រែង និងម្នាក់ទៀតរត់គេចខ្លួន ។ សមត្ថកិច្ចដដែលបន្តថា ក្រោយចាប់ជនសង្ស័យបានម្នាក់ កម្លាំងនគរបាលក៏បានស្ទាក់គ្រប់ច្រកល្ហក តែរហូតមកដល់ម៉ោងជិត១០យប់ មិនទាន់ចាប់បាន ទើបរំសាយកម្លាំងវិញ។
ទាក់ករណីខាងលើនេះ កាលពីជាងមួយខែមុន ស្ថិតចំណុចដដែលនោះ ក៍មានករណីបែបនេះបានកើតឡើងម្តងរួចមកហើយ ដែលក្រុមជនសង្ស័យជិះម៉ូតូឆ.ក់កាបូបស្ត្រីចំណាស់ម្នាក់ តែត្រូវប្រជាពលរដ្ឋដណ្តើមកាបូបនោះឱ្យស្ត្រីចំណាស់១រូបនោះបានមកវិញ នៅក្នុងកាបូបនោះមានលុយចំនួនពីរពាន់ដុល្លារអាមេរិក។
សមត្ថកិច្ចបន្តអោយថាជនសង្ស័យខាងលើនឹងត្រូវបញ្ជូនទៅតុលាការនៅរសៀលថ្ងៃទី២០ មីនា ឆ្នាំ២០២២នេះ ក្រោយបញ្ចប់នីតិវិធី៕
ចែករំលែកព័តមាននេះ