យោងតាមស៊ីនហួថា ភ្លៀងធ្លាក់យ៉ាងខ្លាំងនឹងមានរហូតដល់ថ្ងៃទី២ កញ្ញា នៅភាគឦ សានចិន ដោយសារព្យុះទីហ្វុងឈ្មោះ LIONROCK ជាព្យុះទី១០ សម្រាប់ឆ្នាំនេះ ដែលបោកបក់មកដល់តំបន់នោះនាថ្ងៃទី៣១ សីហា ។
យោងតាមមជ្ឈមណ្ឌលឧតុនិយមជាតិចិនថា ព្យុះដ៏ខ្លាំងនេះដែលកកើតកាលពី១០ថ្ងៃមុនបោកបក់ដល់ដែនដីជប៉ុននារសៀលថ្ងៃទី៣០ សីហា ហើយតម្រង់ឆ្ពោះទៅភាគឦសានប្រទេសចិននាព្រឹកថ្ងៃទី៣១ សីហា ។ ភាគឦសានចិនដែលរួមមានខេត្ត HEILONGJIAN ខេត្ត JILIN និងខេត្ត LIAONING ព្រមទាំងតំបន់ម៉ុងហ្គោលីក្នុង និងមានភ្លៀងធ្លាក់ខ្លាំងដោយទឹកភ្លៀងនៅតាមកន្លែងខ្លះមានកម្ពស់ដល់២០០មីល្លីម៉ែត្រ ។
មជ្ឈមណ្ឌលនេះបានព្រមានពីលទ្ធភាពនៃការខូចខាតធ្ងន់ធ្ងរទាក់ទិននឹងការប្រមូលផលគ្រាប់ធុញ្ញជាតិក្នុងតំបន់ ហើយស្នើដល់អាជ្ញាធរមូលដ្ឋានឱ្យចាត់វិធានការនានា ដើម្បីការពារផ្ទៃដីដាំដុះ ៕
ចែករំលែកព័តមាននេះ