អ្នកនាំពាក្យក្រុមរដ្ឋអ៊ិស្លាមឈ្មោះ ABOU MOHAMED AL ADNANI ជាមេដឹកនាំជាន់ខ្ពស់មួយរូបរបស់ក្រុមរដ្ឋអ៊ិស្លាមដែលគេចាត់ទុកថា ជាអ្នកនាំពាក្យរបស់ក្រុមរដ្ឋអ៊ិស្លាមពិតជាត្រូវស្លា.ប់ហើយ
អ្នកនាំពាក្យក្រុមរដ្ឋអ៊ិស្លាមឈ្មោះ ABOU MOHAMED AL ADNANI ជាមេដឹកនាំជាន់ខ្ពស់មួយរូបរបស់ក្រុមរដ្ឋអ៊ិស្លាមដែលគេចាត់ទុកថា ជាអ្នកនាំពាក្យរបស់ក្រុមរដ្ឋអ៊ិស្លាមពិតជាត្រូវស្លាប់ហើយ ដោយសារការវាយប្រហារតាមអាកាសមួយរបស់ក្រុមចម្រុះអន្តរជាតិនៅខេត្តអាឡែបភាគខាងជើងស៊ីរី ។
កាលពីថ្ងៃទី៣០ សីហា តាមរយៈទីភ្នាក់ងារព័ត៌មាន AMAQ របស់ខ្លួនក្រុមរដ្ឋអ៊ិស្លាមបានរាយការណ៍ពីការស្លាប់របស់ជននេះនៅតំបន់អាឡែបស៊ីរី ។
យោងតាមសេចក្តីប្រកាសមួយ AMAQ រៀបរាប់ថា AL ADNANI ត្រូវស្លាប់ក្នុងប្រតិបត្តិការយោធាពេលកំពុងត្រួតពិនិត្យកងទ័ព ។ AMAQ ពុំបញ្ជាក់ពីកាលបរិច្ឆេទនៃការស្លាប់របស់ជននេះ ឬថាតើគេត្រូវស្លាប់បែបម៉េចដោយពិតប្រាកដឡើយ ។ ទោះបីយ៉ាងណា កាលពីយប់ថ្ងៃទី៣០ សីហា អ្នកទទួលខុសត្រូវអាមេរិកមួយរូបគូសបញ្ជាក់ប្រាប់ AFP ថា ប្រមុខរូបនេះរបស់ក្រុមរដ្ឋអ៊ិស្លាមរងការវាយប្រហារតាមអាកាសមួយរបស់ក្រុមចម្រុះអន្តរជាតិ តែពុំបញ្ជាក់ថា ជននេះជា AL ADNANI ឬយ៉ាងណាឡើយ ។
ការស្លាប់របស់ AL ADNANI ជាអន្លូងធ្ងន់មួយសំពងលើក្រុមរដ្ឋអ៊ិស្លាម ពិសេសក្រោយការស្លាប់របស់មេដឹកនាំយោធាក្រុមនេះ OMAR SHISHANI ហៅ OMAR LE TCHETCHENE មក ។ AL ADNANI ពុំត្រឹមតែជាអ្នកនាំពាក្យរបស់ក្រុមរដ្ឋអ៊ិស្លាមប៉ុណ្ណោះទេ តែរូបគេត្រូវចាត់ទុកជា «រដ្ឋមន្ត្រីភេរវកម្ម» ដោយពួកភ្នាក់ងារស៊ើបការណ៍លោកខាងលិច។ រូបគេតែងស្នើជាពិសេសដល់ពួកអ្នកគាំទ្រឱ្យធ្វើសកម្មភាពវាយប្រហារក្នុងប្រទេសដើមពួកគេ ។ ឈ្មោះរបស់ពួកគេតែងលើកដោយពួកអ្នកវាយប្រហារភេរវកម្ម ៕
ចែករំលែកព័តមាននេះ