ផ្ញើតាមឡានក្រុងស្មានតែមិនអី បែរជាអ្នកបើកបរហៅប៉ូលិសយកអស់
ខេត្តបាត់ដំបង ៖ កម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទាក់ចាប់បានសត្វអណ្ដើកជិត១តោនកាលពីវេលាម៉ោង១០ និង៣០នាទីយប់ ថ្ងៃទី៣០ …
ខេត្តបាត់ដំបង ៖ កម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទាក់ចាប់បានសត្វអណ្ដើកជិត១តោនកាលពីវេលាម៉ោង១០ និង៣០នាទីយប់ ថ្ងៃទី៣០ …
ខេត្តបាត់ដំបង ៖ កម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទាក់ចាប់បានសត្វអណ្ដើកជិត១តោនកាលពីវេលាម៉ោង១០ និង៣០នាទីយប់ ថ្ងៃទី៣០ ខែសីហា ឆ្នាំ២០១៦ នៅចំណតរថយន្តដឹកអ្នកដំណើររបស់ក្រុមហ៊ុនមួយក្នុងបរិវេណផ្សារទំនើប«ភូពុយ» ដែលស្ថិតក្នុងភូមិអញ្ចាញ សង្កាតអូរចា ក្រុងបាត់ដំបង ។
លោក ម៉ៅ រង្សី ប្រធានការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានឲ្យដឹងថា សត្វអណ្ដើកទាំងនោះមានតូចមានធំ និងមានសត្វពស់សង់សឿ១ការុងផង ត្រូវឈ្មួញផ្ញើតាមរថយន្តដឹកអ្នកដំណើរបស់ក្រុមហ៊ុនមួយពីខេត្តបន្ទាយមានជ័យ បម្រុងនាំទៅកាន់រាជធានីភ្នំពេញ ។ លោកថា ដោយមានការសង្ស័យ ទើបអ្នកបើកបររថយន្តរាយការណ៍ភ្លាមៗប្រាប់មកលោក ហើយលោកក៏រាយការណ៍បន្តទៅសុំគោលការលោកស្នងការនគរបាលខេត្ត រហូតឈានដល់ការបង្ក្រាបបានតែម្ដង ។
អ្នកបើកបររថយន្តក្រុមហ៊ុនដឹកអ្នកដំណើរដែលទទូលដឹកបទល្មើសសត្វព្រៃនេះ បាននិយាយថា ពេលដែលរថយន្តខ្លួនបម្រុងចេញដំណើពីខេត្តបន្ទាយមានជ័យឆ្ពោះទៅភ្នំពេញ មានមនុស្សម្នាក់បានទូរស័ព្ទប្រាប់ឲ្យដឹកអីវ៉ាន់ជាច្រើនការុង ហើយលោកក៏ព្រមព្រៀង បន្ទាប់ពីម្ចាស់ដឹកឥវ៉ាន់ប្រាប់ពីចំណុចដែលដាក់អីវ៉ាន់នោះ ប៉ុន្តែម្ចាស់អីវ៉ាន់មិនបានប្រាប់ថា ជារបស់អ្វីទេ ដោយគ្រាន់តែបញ្ជាក់ថា ឲ្យជួយដឹកផង ហើយរូបគេ(ម្ចាស់អីវ៉ាន់)ទៅរង់ចាំទទូលនៅឯភ្នំពេញមុន ។
អ្នកបើកបររថយន្តបានបញ្ជាក់ថា ក្រោយពីចរចាត្រូវគ្នា ខ្លួនក៏បើករថយន្តចេញទៅដឹកអីវ៉ាន់នោះ តែពេលលើកចូលរថយន្តហាក់ដូចជាមានការសង្ស័យថា អាចជាសត្វព្រៃ ហើយដោយខ្លាចជាប់ពាក់ព័ន្ធនឹងបទល្មើសដឹកជញ្ជូនសត្វព្រៃនេះ ទើបខ្លួនរាយការណ៍ប្រាប់សមត្ថកិច្ចខេត្តបាត់ដំបងឲ្យជួយអន្តរាគមន៍ និងត្រូតពិនិត្យនៅចំណតរថយន្តខាងលើ រហូតរកឃើញសត្វពស់ និងអណ្ដើករាប់រយគីឡូក្រាម ។
បើតាមរបាយការណ៍របស់ការិយាល័យប្រឆាំងបទល្មើសសេដ្ធកិច្ចបានឲ្យដឹងថា សត្វអណ្ដើកទាំងនោះមានតូចមានធំសរុបចំនួន២០៧ក្បាល និងមានទម្ងន់ជិត១តោន រួមទាំងសត្វពស់សង់សឿ១ការុងផង ។
លោក ម៉ៅ រង្សី ប្រធានការិយាល័យប្រឆាំងបទល្មើសសេដ្ធកិច្ចខេត្ត បានថ្លែងថា សត្វអណ្ដើក និងសត្វពស់ទាំងនេះអាចត្រូវក្រុមឈ្មួញនាំចូលពីប្រទេសថៃចូលខេត្តបន្ទាយមានជ័យ ហើយបម្រុងដឹកឆ្ពោះទៅកាន់រាជធានីភ្នំពេញ តែត្រូវជាប់អន្ទាក់សមត្ថកិច្ចពេលឆ្លងកាត់ខេត្តបាត់ដំបង ។ លោកបានបញ្ជាក់ដែរថា យើងមិនទាន់ស្គាល់អត្តសញ្ញាណម្ចាស់សត្វព្រៃទាំងនោះទេ តែយើងកំពុងធ្វើការស្រាវជ្រាវ ។
ដោយឡែកសត្វព្រៃទាំងនេះ ត្រូវលោកស្នងការនគរបាលខេត្តបញ្ជាឲ្យមន្ត្រីជំនាញរបស់លោកធ្វើកំណត់ហេតុប្រគល់ជូនទៅខាងមន្ត្រីព្រៃឈើនៅព្រឹកថ្ងៃទី៣១ ខែសីហា ឆ្នាំ២០១៦ ដើម្បីចាត់វិធានការបន្តហើយ ៕
ចែករំលែកព័តមាននេះ