រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលមួយ ក្រោយពីបុរសម្នាក់ផ្ទុះកំហឹង ដែលគេយកស្លាកគណបក្ស «CNRP» មកដំឡើងដាំនៅមុខផ្ទះរបស់ខ្លួន ដែលធ្លាប់និយាយហាមប្រាមមិនឱ្យដាក់ តែគេមិនស្តាប់ ក៏ខឹងចិត្តទៅវាយកម្ទេចចោលទាំងអាការៈស្រវឹងស្រាផង បណ្តាលឱ្យរយះស្លាកគណបក្សនោះ ។
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលមួយ ក្រោយពីបុរសម្នាក់ផ្ទុះកំហឹង ដែលគេយកស្លាកគណបក្ស «CNRP» មកដំឡើងដាំនៅមុខផ្ទះរបស់ខ្លួន ដែលធ្លាប់និយាយហាមប្រាមមិនឱ្យដាក់ តែគេមិនស្តាប់ ក៏ខឹងចិត្តទៅវាយកម្ទេចចោលទាំងអាការៈស្រវឹងស្រាផង បណ្តាលឱ្យរយះស្លាកគណបក្សនោះ ។
ហេតុការណ៍នេះ កើតឡើងកាលពីវេលាម៉ោង១០ព្រឹកថ្ងៃទី៣១ សីហា ២០១៦ នេះ ស្ថិតនៅចំណុចភូមិក្រាំងដូនតី សង្កាត់ចោមចៅ ខណ្ឌពោធិ៍សែនជ័យ ។
ប្រភពឱ្យដឹងថា បុរសនោះ ត្រូវគេស្គាល់ឈ្មោះស៊ុន សារិន អាយុ៥១ឆ្នាំ មានទីលំនៅក្នុងភូមិកើតហេតុ ដោយកន្លងមក គាត់ធ្លាប់ហាមគេ មិនឱ្យដាក់ជាច្រើនលើកមកហើយ ព្រោះគាត់សម្អាងថា មុខផ្ទះគាត់ជាកន្លែងសម្រាប់លក់ដូរ មិនអាចដាក់កើតទេ ។ ប៉ុន្តែឃើញគេនៅតែដំឡើងស្លាកនោះ ទើបធ្វើឱ្យផ្ទុះកំហឹងបែបនេះ ។
ចំពោះភាគីខាងស្លាកគណបក្សវិញ ក៏បាននិយាយដែរថា ទង្វើរបស់បុរសនេះ ហាក់ដូចជាប្រមាថចំពោះថ្នាក់ដឹកនាំគេពេកហើយ ព្រោះបើមានការអ្វី គួរតែនិយាយគ្នាឱ្យស្រួលបួលទៅ ។ ក្រោយកើតហេតុ ភាគីទាំង២បានសម្របសម្រួល ក្រោយពីគេឃើញចៅសង្កាត់រង ខាងCNRP ចុះមកសម្របសម្រួលគ្នា ដោយភាគីបង្កសុខចិត្តបង់៥០ដុល្លារ សងថ្លៃការខូចខាត ។
ចែករំលែកព័តមាននេះ