ណាត់សាសងភាសាស្នេហាយ៉ាងល្អូនល្អឺន ទីបំផុត…
ខេត្តពោធិ៍សាត់ ៖ គូស្នេហ៍មួយគូបានណាត់សាសងភាសាស្នេហាជាមួយគ្នាយ៉ាងល្អូកល្អឺន ហើយដោយសារសំដីលួងលោមដ៏ផ្អែមល្ហែមយុវតីជាសង្សារក៏យល់ព្រម …
ខេត្តពោធិ៍សាត់ ៖ គូស្នេហ៍មួយគូបានណាត់សាសងភាសាស្នេហាជាមួយគ្នាយ៉ាងល្អូកល្អឺន ហើយដោយសារសំដីលួងលោមដ៏ផ្អែមល្ហែមយុវតីជាសង្សារក៏យល់ព្រម …
ខេត្តពោធិ៍សាត់ ៖ គូស្នេហ៍មួយគូបានណាត់សាសងភាសាស្នេហាជាមួយគ្នាយ៉ាងល្អូកល្អឺន ហើយដោយសារសំដីលួងលោមដ៏ផ្អែមល្ហែមយុវតីជាសង្សារក៏យល់ព្រមគីគីលូរហូតបានសម្រេច ក៏ត្រូវឪពុកម្តាយប្តឹងសមត្ថកិច្ចឲ្យចាប់ខ្លួនតែម្តង ។ ហេតុការណ៍ណាត់គ្នាសាសងនេះកើតឡើងកាលពីវេលាម៉ោង៦ និង១៥នាទីល្ងាច ថ្ងៃទី២៩ ខែសីហា ឆ្នាំ២០១៦ ក្នុងខ្ទមចំការពោត ស្ថិតក្នុងភូមិសំរោង១ ឃុំសំរោង ស្រុកភ្នំក្រវាញ ខេត្តពោធិ៍សាត់ ។
នគរបាលប៉ុស្តិ៍រដ្ឋបាលសំរោង បានឲ្យដឹងថា យុវជនឈ្មោះ គង់ ណាក់ ហៅ តឹង អាយុ១៩ឆ្នាំរស់នៅភូមិពេជបាន ឃុំលាច ស្រុកភ្នំក្រវាញ ត្រូវបានសមត្ថកិច្ចចាប់ខ្លួនពីបទរួមភេទជាមួយអនីតិជន ព្រោះយុវតីជាសង្សារទើបតែអាយុ១៥ឆ្នាំប៉ុណ្ណោះ ។
ពាក់ព័ន្ធនឹងករណីនេះ សមត្ថកិច្ចបានស្រាវជ្រាវដឹងថា យុវជនសង្ស័យនិងយុវតីខាងលើមានភូមិឃុំនៅជាប់គ្នា ហើយពួកគេទាំង២នាក់កំពុងមានទំនាក់ទំនងស្នេហាជាមួយគ្នាផងដែរ ។ នៅល្ងាចនោះ យុវជនសង្ស័យបានទូរស័ព្ទណាត់ជួបជាមួយយុវតីជាសង្សារនៅខ្ទមចំការពោត ចំណុចបឹងវល់ ។ ពេលទៅដល់ពួកគេបានសាសងភាសាស្នេហាជាមួយគ្នាយ៉ាងល្អូកល្អឺនក្នុងខ្ទមកំសត់ ទោះបីជាមេឃរមឡភ្នំរលាយ ហើយភ្លៀងខ្លាំងយ៉ាងណាក៏មិនខ្វល់ដែរ ។ តួប្រុសបានប្រើពាក្យផ្អែមល្ហែមលួងលោម ទីបំផុតតួស្រីក៏ទន់ចិត្តព្រមគីគីលូជាមួយគ្នារហូតបានសម្រេច រួចហើយក៏បែកគ្នាទៅផ្ទះរៀងខ្លួន ។ ពេលទៅដល់ផ្ទះវិញ ឪពុកម្ដាយខាងស្រីឃើញអាការៈកូនខុសប្លែកពីធម្មតាក៏សួរនាំ តែកូនស្រីថា មិនមានអ្វីទេ ។ ដោយមានការសង្ស័យ និងដោយមានគេនិយាយប្រាប់ផងនោះ ឪពុកម្ដាយក៏ជំរិតសួរម្ដងទៀត ទើបនាងប្រាប់តាមត្រង់អំពីរឿងនៅខ្ទមចំការពោតតែម្ដង ។
នគរបាលប៉ុស្តិ៍រដ្ឋបាលសំរោង បញ្ជាក់ថា បន្ទាប់ពីដឹងដំណឹងនេះភ្លាម ឪពុកម្ដាយខាងស្រីបានមកប្ដឹងសមត្ថកិច្ចយើងនៅថ្ងៃទី៣០ ខែសីហា ឆ្នាំ២០១៦ ។ ក្រោយទទួលបានពាក្យបណ្ដឹង សមត្ថកិច្ចក៏ឈានទៅឃាត់ខ្លួនយុវជនឈ្មោះ គង់ ណាក់ ហៅ តឹង ពីបទរួមភេទជាមួយអនិតិជនតែម្ដង ។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី ៕
ចែករំលែកព័តមាននេះ