ខេត្តបាត់ដំបង ៖ សេចក្តីរាយការណ៍ឱ្យដឹងថា អតីតសាលានយោបាយដ៏ធំមួយខ្នង ត្រូវអគ្គិភ័យលេបត្របាក់អស់គ្មានសល់ កាលពីវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី៣១ សីហា ២០១៦ ដែលមានទីតាំងស្ថិតនៅក្បែរសាលាស្រុកសង្កែ បច្ចុប្បន្នក្នុងភូមិអន្លង់វិល ឃុំអន្លង់វិល ស្រុកសង្កែ។
ខេត្តបាត់ដំបង ៖ សេចក្តីរាយការណ៍ឱ្យដឹងថា អតីតសាលានយោបាយដ៏ធំមួយខ្នង ត្រូវអគ្គិភ័យលេបត្របាក់អស់គ្មានសល់ កាលពីវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី៣១ សីហា ២០១៦ ដែលមានទីតាំងស្ថិតនៅក្បែរសាលាស្រុកសង្កែ បច្ចុប្បន្នក្នុងភូមិអន្លង់វិល ឃុំអន្លង់វិល ស្រុកសង្កែ។
សេចក្ដីរាយការណ៍បន្តថា អតីតសាលានយោបាយនេះ សង់ផ្ទាល់ដី និងធ្វើអំពីឈើប្រក់ស័ង្កសី តែគេនៅមិនទាន់ដឹងអំពីទំហំពិតប្រាកដនៃអគារចំណាស់នេះទេ ។ ប៉ុន្តែមានគ្រូបង្រៀនប៉ុន្មាននាក់ បានស្នាក់នៅក្នុងអគារនេះ ជាបណ្ដោះអាសន្ន ។
បើតាមប្រភពពីអ្នកស្នាក់បណ្ដោះអាសន្ននៅក្នុងអគារនោះបានប្រាប់ថា អគ្គិភ័យនេះកើតឡើងពេលពួកគេកំពុងដេកលក់ ដែលទំនង បណ្ដាលមកពីទុស្សេខ្សែភ្លើងដែលមានកម្លាំងភ្លើងឆេះលឿនបំផុត បង្កឱ្យភ្ញាក់ផ្អើលទាំងកណ្ដាលអធ្រាត្រតែម្ដង។
រថយន្តពន្លត់អគ្គិភ័យរបស់ស្នងការខេត្តបានចេញអន្តរាគមន៍ភ្លាមៗដែរ តែមិនអាចគ្រប់គ្រងឥទ្ធិពលភ្លើងបានឡើយ រហូតអគ្គិភ័យលេបត្របាក់អគារឈើដ៏ធំនេះ អស់ទាំងស្រុងតែម្ដង ។ ប៉ុន្តែ គេនៅមិនទាន់ដឹងអំពីទំហំនៃការខូចខាតនៅឡើយទេ ខណៈនៅព្រឹកថ្ងៃទី៣១ សីហា នេះ សមត្ថកិច្ចកំពុងធ្វើការស្រាវជ្រាវនៅឡើយ ។
ចែករំលែកព័តមាននេះ