ងើបមកផឹកទឹក ឮសន្ធឹកខ្លាំង រត់ចេញមកមើល ស្រាប់តែឃើញ…
រាជធានីភ្នំពេញ ៖ ដោយសារឮសន្ធឹកលាន់ដូចរន្ទះ បុរសជាម្ចាស់ផ្ទះបានរត់ចេញមកមើល ស្រាប់តែឃើញរថយន្ត១គ្រឿងបានបើកមកបុកទ្វារផ្ទះរបស់គាត់ …
រាជធានីភ្នំពេញ ៖ ដោយសារឮសន្ធឹកលាន់ដូចរន្ទះ បុរសជាម្ចាស់ផ្ទះបានរត់ចេញមកមើល ស្រាប់តែឃើញរថយន្ត១គ្រឿងបានបើកមកបុកទ្វារផ្ទះរបស់គាត់ ។ ហេតុការណ៍នេះកើតឡើងកាលពីវេលាម៉ោង១១យប់ ថ្ងៃទី៣០ ខែសីហា ឆ្នាំ២០១៦ តាមបណ្ដោយផ្លូវបេតុង ភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ។
ម្ចាស់ផ្ទះឈ្មោះ ម៉ៅ សុភាព អាយុ៤៩ឆ្នាំ មានប្រពន្ធឈ្មោះយិន សាម៉ុន អាយុ៤៤ឆ្នាំ មុខរបរលក់គុយទាវ រស់នៅភូមិកើតហេតុខាងលើ។
ប្រភពព័ត៌មានពីម្ចាស់ផ្ទះបាននិយាយថា មុនពេលកើតហេតុគាត់បានភ្ញាក់ពីដំណេកកំពុងតែហូបទឹក ក៏ឮសំឡេងសន្ធឹកលាន់ដូចរន្ទះ ពេលដែលគាត់រត់ចេញមកមើល ស្រាប់តែឃើញរថយន្តនិងទ្វារផ្ទះរបស់គាត់ត្រូវខូចខាត បន្សល់ទុកស្លាកលេខរថយន្ត ភ្នំពេញ 2AH-9278 នៅកន្លែងកើតហេតុ ។
តាមសំដីបុរសជាម្ចាស់ផ្ទះបានបន្តទៀតថា ខណៈពេលរថយន្តបុកចូលផ្ទះគាត់ពេលនោះ គាត់ភ័យយ៉ាងខ្លាំហើយរូបគាត់បានចាក់សោមកមើលរថយន្តខាងលើ ដោយរូបគាត់ចេញមកដល់ក្រៅរថយន្តខាងលើបានបើករត់យ៉ាងលឿន ហើយបានបន្សល់ទុកស្លាកលេខដែលរបូតចេញពីរថយន្តបង្កខាងលើដោយពុំដឹងថាជារថយន្តអ្វីឡើយ ។
ក្រោយពេលកើតហេតុ ជនរងគ្រោះជាម្ចាស់ផ្ទះបានប្តឹងសមត្ថកិច្ចឲ្យមកជួយអន្តរាគមន៍ តែរថយន្តបង្កខាងលើបានរត់បាត់ស្រមោល ហើយបានទៅដាក់ពាក្យបណ្តឹងឲ្យសមត្ថកិច្ចជួយរករថយន្តខាងលើមកផ្តន្ទាទោសតាមច្បាប់ ៕
ចែករំលែកព័តមាននេះ