កូនចិត្តឬស្យា ប្រហារជីវិតឪពុកខ្លួនឯង
ខេត្តបាត់ដំបង ៖ នៅវេលាម៉ោង០៤និង១០នាទីរសៀល ថ្ងៃទី៣០ ខែសីហា ឆ្នាំ២០១៦នេះ ស្ថិតនៅភូមិអន្លង់តាម៉ី ឃុំឈើទាល ស្រុកបាណន់ មានករណីកូនសម្លា.ប់ឪពុកខ្លួនឯងបង្កើត
ខេត្តបាត់ដំបង ៖ នៅវេលាម៉ោង០៤និង១០នាទីរសៀល ថ្ងៃទី៣០ ខែសីហា ឆ្នាំ២០១៦នេះ ស្ថិតនៅភូមិអន្លង់តាម៉ី ឃុំឈើទាល ស្រុកបាណន់ មានករណីកូនសម្លាប់ឪពុកខ្លួនឯងបង្កើត ស្លាប់នៅនឹងកន្លែង។ ប្រភពពីសមត្ថកិច្ចបានឲ្យដឹងថា ជនបង្កដែលជាកូនមានឈ្មោះ សឺត ស៊ីន ភេទប្រុស អាយុ៣៤ឆ្នាំ ចំណែកជនរងគ្រោះដែលជាឪពុកត្រូវកូនតិរច្ឆាន កាប់ប្រហារស្លាប់យ៉ាងអាណោចអាធម្មនោះឈ្មោះ ដែង សឺត អាយុ៧៤ឆ្នាំ អ្នកទាំងពីររស់នៅភូមិឃុំ កើតហេតុខាងលើ ដោយមិនមានអ្នកផ្សេងរួមរស់ជាមួយនោះទេ គឺមានតែពីរនាក់ឪពុកកូនតែប៉ុណ្ណោះ។
សមត្ថកិច្ចបញ្ជាក់បន្ថែមថា ជនបង្កដែលត្រូវជាកូនប្រុសបង្កើតនោះ ជាមនុស្សមានរោគប្រសៃប្រសាទ តែងតែដើរផឹកស៊ីជាប្រចាំ ។ ជាក់ស្ដែងនៅថ្ងៃកើតហេតុនេះ រូបគេបានផឹកស៊ីស្រវឹងហើយក៏រករឿងឈ្លោះជាមួយឪពុក បន្ទាប់មកក៏បានទាញញញួរវាយចំសៀតថ្កាខាងស្ដាំរបស់ឪពុកពេញទំហឹង បណ្ដាលឲ្យបែកក្បាលហូរឈាមស្លាប់ភ្លាមៗនៅកន្លែងកើតហេតុតែម្ដង។ ក្រោយពេលកើតហេតុភ្លាមៗនោះដែរ កម្លាំងសមត្ថកិច្ចបានធ្វើការឃាត់ខ្លួនជនបង្ក បញ្ជូនទៅកាន់អធិការដ្ឋាននគរបាល ស្រុកបាណន់ ហើយធ្វើការសាកសួរ ដើម្បីកសាងសំណុំរឿងដោះស្រាយទៅតាមផ្លូវច្បាប់៕
ចែករំលែកព័តមាននេះ