រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា នៅវេលាម៉ោងប្រហែល៣រសៀលថ្ងៃទី៣០ សីហានេះ កងកម្លាំងសមត្ថកិច្ចចម្រុះនិងមានការចូលរួមសម្របសម្រួល
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា នៅវេលាម៉ោងប្រហែល៣រសៀលថ្ងៃទី៣០ សីហានេះ កងកម្លាំងសមត្ថកិច្ចចម្រុះនិងមានការចូលរួមសម្របសម្រួលពីតំណាងអយ្យការអមសាលាដំបូងរាជធានីភ្នំពេញ បានចុះអនុវត្តន៍ដីការក្សាការពាររោងចក្រ «ស៊ុនសា» ( Shun Sa Cambodia Garment Limited) ស្ថិតនៅក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ ដែលរោងចក្រនេះតំណាងដោយឈ្មោះ Chin Jin jing ។
សេចក្តីរាយការណ៍បានបន្តថា រោងចក្រខាងលើបានចុះកិច្ចសន្យាក្នុងការទទួលយកអាវនិងវត្ថុធាតុដើមផ្សេងៗពីរោងចក្រមួយទៀតឈ្មោះ កូកូវ៉ុល(CoCoVol) ស្ថិតនៅក្នុងភូមិត្រពាំងថ្លឹង សង្កាត់ចោមចៅ តំណាងដោយឈ្មោះ Christopher Chang ប៉ុន្តែពេលផលិតរួចមិនប្រគល់វត្ថុធាតុដើមនិងផលិតផលសម្រេច(អាវស្ត្រី)ទៅឲ្យរោងចក្រ«កូកូវ៉ុល»វិញឡើយ ទើបមានការប្តឹងផ្តល់គ្នានិងរហូតដល់ចៅក្រមសាលាដំបូងរាជធានីភ្នំពេញលោកស្រី ស៊ លីនណា ចេញដីកាដែលចុះអនុវត្តន៍ខាងលើលេខ៤៧៧ លដរ ចុះថ្ងៃទី១៧ សីហា ២០១៦ រក្សាការពាររោងចក្រមិនឲ្យមានការលក់ដូរផ្សេងៗ ៕
ចែករំលែកព័តមាននេះ