ទូរទស្សន៍អីុរ៉ង់ PRESS TV រាយការណ៍កាលពីថ្ងៃទី២៩ សីហា ថា អីុរ៉ង់ដាក់ពង្រាយប្រព័ន្ធការពារអាកាស S-300 រុស្ស៊ីនៅតាមទីតាំងនុយក្លេអ៊ែររបស់ខ្លួន ។
តាមទូរទស្សន៍នេះ ប្រព័ន្ធការពារអាកាស S-300 ទើបទទួលនាពេលថ្មីៗនេះពីរុស្ស៊ីត្រូវបានដាក់ពង្រាយនៅភាគកណ្តាលប្រទេស ដើម្បីការពារទីតាំងនុយក្លេអ៊ែរ FORDO ។
ឧត្តមសេនីយ៍ FARZAD ESMAILI មេបញ្ជាការកងការពារអាកាសអីុរ៉ង់ថ្លែងថា ការពារបណ្តាទីតាំងនុយក្លេអ៊ែរជារឿងសំខាន់គ្រប់កាលៈទេសៈ ហើយអីុរ៉ង់នឹងធ្វើរាល់អ្វីដែលចាំបាច់ ដើម្បីឱ្យសម្រេចបានកិច្ចការពារនេះ ។
កាលពីមុន រុស្ស៊ី និងអីុរ៉ង់បានចុះហត្ថលេខាលើកុងត្រាមួយស្តីពីការផ្តល់មីស៊ីល S-300 ក៏ប៉ុន្តែដោយសារហេតុផលមួយចំនួនទាក់ទិននឹងនយោបាយតំបន់ និងពិភពលោកក្រុងមូស្គូពុំបានផ្តល់ប្រព័ន្ធការពារនេះឡើយ ។ បច្ចុប្បន្នក្រោយការចុះហត្ថលេខាលើកិច្ចព្រមព្រៀជាប្រវត្តិសាស្ត្រ ស្តីពីនុយក្លេអ៊ែរអីុរ៉ង់មិត្តភាព រវាងអីុរ៉ង់ និងរុស្ស៊ីត្រូវបានពង្រឹង ។
រុស្ស៊ីបានបំពេញរាល់ការសន្យាពីការផ្តល់មីស៊ីលដី-អាកាស S-300 ។ សហរដ្ឋអាមេរិកពុំអាចរារាំងការផ្តល់ប្រព័ន្ធការពារ S-300 ដល់អីុរ៉ង់ឡើយ ៕
ចែករំលែកព័តមាននេះ