ជំងឺមហារីក បានក្លាយជាឃាតករដ៏ធំបំផុតក្នុងការបំផ្លាញសុខភាពមនុស្សជាតិ បើយោងតាមវិទ្យាស្ថានជំងឺមហារីកផ្លូវការ IARC នៅក្រោមអង្គការសុខភាពពិភពលោកបានឲ្យដឹងថា ចំនួននៃអ្នកស្លាប់ដោយជំងឺមហារីកប្រចាំឆ្នាំបានឡើងរហូតទៅច្រើនលាននាក់។ តើធ្វើដូចម្តេចដើម្បីឲ្យជំងឺមហារីកឃ្លាតពីខ្ញុំ?
ប្រធានជំនាញផ្នែកជំងឺមហារីកលោក Peng Xiao Chi ដែលមានបទពិសោធន៍យូរឆ្នាំខាងគ្លីនិកនៃមន្ទីរពេទ្យ ស្តេមហ្វតក្វាងចូវទំនើបផ្នែកមហារីក បានធ្វើការរៀបរាប់អំពីរោគសញ្ញាលេចចេញនៃជំងឺមហារីកចំនួន៨នេះ ដើម្បីជួយលោកអ្នកក្នុងការកំណត់អត្តសញ្ញាណជំងឺមហារីកដំណាក់កាលដំបូង និងរួសរាន់ក្នុងការទទួលការព្យាបាលឲ្យទាន់ពេលវេលា ។
១-មានការឈឺចាប់ក្តៅនៅតំបន់ទ្រូងផ្នែកខាងក្រោយ
ករណីនេះ ប្រហែលជាអាចជាជំងឺមហារីកបំពង់អាហារ ឬក៏អាចជាជំងឺក្រពះធម្មតា។ ប៉ុន្តែប្រសិនបើមានការឈឺចុកចាប់ឆ្អឹងទ្រូងផ្នែកខាងក្រោយ រួមជាមួយការឈឺដើមទ្រូង ថែមទាំងការឈឺចាប់មានរយៈពេលយូរ ការឈឺចាប់មានការកើនឡើង បន្ទាប់ពីប្រើថ្នាំរួចហើយ ក៏មិនមានអាការៈធូរស្រាលនោះ អ្នកជំងឺមានឱកាសខ្ពស់ក្នុងការប្រឈមមុខ នឹងការកើតជំងឺមហារីកបំពង់អាហារ។ ក្នុងខណៈពេលដែលមានអាការៈទាំងនេះលេចឡើងត្រូវប្រញាប់ទៅមន្ទីរពេទ្យធ្វើការថតក្រពះ ដើម្បីកំណត់រោគវិនិច្ឆ័យនៃជំងឺមហារីក។
២-មានការឈឺចាប់នៅតំបន់ខាងក្រោមពោះ និងរង្វង់ផ្ចិត
ការឈឺចាប់នៅតំបន់ខាងក្រោមពោះ និងរង្វង់ផ្ចិត ជាធម្មតាដោយសារតែការផ្លាស់ប្តូរនៃអាការៈជំងឺមហារីកពោះវៀន ប៉ុន្តែមិនមែនប្រាកដថាជាជំងឺមហារីកនោះទេ។ តើធ្វើដូចម្តេចដើម្បីកំណត់អត្តសញ្ញាណជំងឺទូទៅ ឬមួយជាជំងឺមហារីក? ដោយសារតែសាច់ដុំពោះវៀនអាចបង្កឲ្យមានការប៉ះពាល់ដល់ពោះវៀន បណ្តាលឲ្យចុកពោះវៀន ដូច្នេះធ្វើឲ្យមានការឈឺចុកចាប់ឥតឈប់ឈរ ឬមានការឈឺចាប់មួយភ្លែតក៏បាត់ទៅវិញ។ ប្រសិនបើអ្នកឃើញថា មានឈាមក្នុងលាមកនោះ យើងត្រូវមានការប្រុងប្រយ័ត្ន ប្រហែលជាអាចកើតមានជំងឺមហារីក។
៣-មានអាការៈក្អកស្ងួតធ្ងន់ធ្ងរ ក្នុងកំហាកមានឈាម
ក្អកជារោគសញ្ញាទូទៅបំផុតនៃរាងកាយមនុស្ស អាការៈជំងឺភាគច្រើនអាចបង្កឲ្យមានការក្អក។ ការក្អកដោយសារជំងឺមហារីកសួត និងការក្អកធម្មតាមានលក្ខណៈខុសប្លែកពីគ្នា។ ការក្អកដោយជំងឺមហារីកសួតមានលក្ខណៈ ក្អកភ្លាមៗ ក្អកខ្លាំង និងក្អកស្ងួតថែមទាំងមានកំហាកតិច។ ហ្វ្រេកង់នៃការក្អកជាធម្មតាខ្ពស់ជាងការក្អកដែលបណ្តាលមកពីការរលាកផ្សេងៗ ចន្លោះពេលនៃការក្អកខ្លី។ ជាពិសេសចំពោះអ្នកដែលជក់បារីច្រើនឆ្នាំ ប្រសិនបើមានការក្អកស្ងួតខ្លាំង និងមានកំហាកមានឈាមនោះហានិភ័យនៃការកើតជំងឺមហារីកសួត គឺខ្ពស់ខ្លាំងណាស់ តម្រូវឲ្យអ្នកជំងឺទៅស្វែងរកការព្យាបាលជាបន្ទាន់។
៤-ការផ្លាស់ប្តូរនៃរូបរាងសុដន់
ការរកឃើញដំបូងនៃជំងឺមហារីកសុដន់ អ្នកជំងឺអាចពិនិត្យឃើញដោយខ្លួនឯង។ របៀបនៃការពិនិត្យ គឺមើល ស្ទាប ច្របាច់ និងពិនិត្យមើលថា តើរូបរាងខាងក្រៅនៃសុដន់មានការបំរែបំរួល ឬអត់ ស្ទាបថាមានដុំសាច់ ឬអត់ ច្របាច់ថាមានទឹករំអិលចេញពីក្បាលសុដន់ឬទេ (ជាពិសេសទឹករអិលដែលមានលាយឈាម) ស្បែកមានលក្ខណៈស្រដៀងសំបកក្រូច ក្បាលសុដន់មានការរួមបញ្ចូលទៅក្នុង ប្រសិនបើអ្នកសង្កេតឃើញថា មានអាការៈទាំងនេះកើតឡើង សូមប្រញាប់ទៅទទួលការពិនិត្យឲ្យបានឆាប់បំផុត ដើម្បីកំណត់រោគវិនិច្ឆ័យនៃជំងឺ។
៥-មានការហូរឈាមរដូវយូរ ធ្លាក់ ស មានលាយឈាម
ជាធម្មតាការមករដូវរបស់ស្ត្រី គឺមានការទៀងទាត់ល្អ ប្រសិនបើរយៈពេលនៃការហូរឈាមរដូវមានការអូសបន្លាយ ឬក៏ក្រោយពីការមានរដូវមានការធ្លាក់ឈាមឥតឈប់ឈរ មានអាការៈធ្ងន់ធ្ងរជាងមុន នោះអ្នកត្រូវតែមានការងឿងឆ្ងល់ថា តើខ្លួនយើងផ្ទាល់មានកើតជំងឺមហារីកមាត់ស្បូនឬទេ? ជំងឺមហារីកមាត់ស្បូន គឺអាចបង្ហាញឲ្យច្បាស់បំផុតនៃការកើនឡើងនៃការហូរឈាម ដូចជាការធ្លាក់ឈាម ដូចជាការធ្លាក់សដែលមានលាយឈាម មានការធ្លាក់ឈាមពេលរួមភេទ -ល-។ តាមធម្មតា ការហូរឈាមបែបនេះ ត្រូវបានគេយល់ច្រលំថា ជាការមករដូវមិនស្អាត ឬការមករដូវមិនអស់ ដែលតម្រូវឲ្យមិត្តសុភាពនារីទាំងឡាយយកចិត្តទុកដាក់ ប្រញាប់ទៅទទួលការពិនិត្យព្យាបាលឲ្យបានត្រឹមត្រូវ។
៦-ស្រាប់តែមានការចុះស្គមមួយរំពេចដោយមិនដឹងមូលហេតុ
ការវិវឌ្ឍន៍នៃជំងឺមហារីកក្នុងកំរិតខុសប្លែកពីគ្នាអាចធ្វើឲ្យយើងស្រកទម្ងន់ នេះជាលក្ខណៈពិសេសរួមនៃជំងឺកាចសាហាវ។ ក្នុងខ្លួនមានកើតជំងឺមហារីកកជាធម្មតាធ្វើឲ្យប្រព័ន្ធមេតាប៉ូលីស នៅក្នុងខ្លួនមានភាពច្របូកច្របល់ ដែលជាលទ្ធផលធ្វើឲ្យស្រកទម្ងន់។ ប្រសិនបើមិនប្រញាប់ប្រញាល់ក្នុងផ្លាស់ប្តូររបបអាហារ ឬការហាត់ប្រាណ ទម្ងន់របស់អ្នកបានថយចុះ៥%នៃទម្ងន់ខ្លួនរយៈពេល៦ខែ នោះត្រូវប្រញាប់ទៅស្វែងរកការព្យាបាល។
៧-ការបត់ជើងតូចមានការពិបាក និងមានលាយឈាម
ចំពោះបុរស ការលំបាកក្នុងការបត់ជើងតូច គឺជាសញ្ញាដំបូងនៃជំងឺមហារីក្រពេញប្រ៉ូស្តាត។ ទោះបីជាអ្នកជំងឺមហារីកក្រពេញប្រ៉ូស្តាត ធ្វើឲ្យមានការលំបាកក្នុងការនោម ប៉ុន្តែការកកើតថ្មីនៃក្រពេញប្រ៉ូស្តាតថ្មី ក៏អាចមានអាការៈនេះកើតមានឡើងដែរ។ ដូចនេះយើងមិនអាចសំអាងតែអាការៈពិបាកនៅ ដើម្បីសន្និដ្ឋានថា ជាជំងឺមហារីកក្រពេញប្រ៉ូស្តាតនោះទេ។ ដរាបណាអាការៈមានការវិវឌ្ឍន៍ឆាប់រហ័ស មានសភាពធ្ងន់ធ្ងរ រួមទាំងមានការពិបាកក្នុងការនោម ទើបប្រហែលជារោគសញ្ញានៃជំងឺមហារីកក្រពេញប្រ៉ូស្តាត។
៨-ការឧស្សាហ៍កើតមានជំងឺគ្រុនក្តៅជាញឹកញាប់
គ្រុនក្តៅជាប្រតិកម្មធម្មតាមួយនៃរាងកាយក្នុងការប្រឆាំងនឹងការលុកលុយធាតុបង្កជំងឺខាងក្រៅ។ អាការៈគ្រុនក្តៅធម្មតាងាយស្រួល និងជាសះស្បើយ ប៉ុន្តែអាការៈគ្រុនក្តៅដែលបណ្តាលមកពីជំងឺមហារី គឺពិបាកនឹងជាសះស្បើយណាស់។ ដូចនេះ ប្រសិនបើមានជំងឺគ្រុនក្តៅយូរ ដាច់ខាតមិនត្រូវធ្វេសប្រហែសឡើយ ត្រូវប្រញាប់ទៅណាត់គ្រូពេទ្យ ដើម្បីធ្វើរោគវិនិច្ឆ័យជំងឺមហារីកជាបន្ទាន់។
ប្រសិនបើលោកអ្នកជួបប្រទះនូវអាការៈដូចខាងលើនេះ លោកអ្នកដាច់ខាតមិនត្រូវធ្វេសប្រហែសឡើយ ត្រូវប្រញាប់ទៅណាត់គ្រូពេទ្យ ដើម្បីធ្វើរោគវិនិច្ឆ័យជំងឺមហារីកជាបន្ទាន់។ លោកអ្នកក៏អាចមកទទួលយកការពិគ្រោះជំងឺដោយឥតគិតថ្លៃពីការិយាល័យនៃមន្ទីរពេទ្យស្តេមហ្វតក្ខាងចូវទំនើបផ្នែកមហារីក ដែលជាមន្ទីរពេទ្យមួយដែលមានបច្ចេកវិទ្យាខ្ពស់ និងបរិក្ខារទំនើបៗក្នុងការព្យាបាលជំងឺមហារីកដោយជៀសវាងការវះកាត់ និងមានស្នាមរបួសតូចបំផុត។ មន្ទីរពេទ្យក្វាងចូវទំនើបផ្នែកមហារីក ត្រូវបានទទួលស្គាល់គុណភាពព្យាបាលដោយ JCI ទន្ទឹមនឹងនេះ មន្ទីរពេទ្យក្វាងចូវទំនើបផ្នែកមហារីក ក៏មានកិច្ចសហប្រតិបត្តិការយ៉ាងជិតស្និទ្ធិជាមួយមន្ទីរពេទ្យ MAYO ដែលជាមន្ទីរពេទ្យដ៏ល្បីឈ្មោះមួយរបស់សហរដ្ឋអាមេរិក មន្ទីរពេទ្យនៃសកលវិទ្យាល័យជាតិសិង្ហបុរី ( Singapore National University Hospital) និងដៃគូសហការជាច្រើនទៀត។
ទន្ទឹមនឹងការពង្រឹងបច្ចេកវិទ្យាព្យាបាល មន្ទីរពេទ្យក្វាងចូវទំនើបផ្នែកមហារីក បានចាត់តាំងបង្កើតឡើងនូវក្រុម MDT ដែលជាក្រុមពិគ្រោះយោបល់ និងធ្វើការវិភាគរោគវិនិច្ឆ័យអាការៈរបស់អ្នកជំងឺ។ ក្រុម MDT នេះគឺប្រមូលផ្តុំដោយវេជ្ជបណ្ឌិតឯកទេសជំងឺមហារីកមកពីប្រទេសចិន សិង្ហបុរី អាមេរិក និងបណ្តាប្រទេសមួយចំនួនទៀតនៅក្នុងទ្វីបអឺរ៉ុប ដែលសាស្ត្រាចារ្យជាន់ខ្ពស់នៃជំងឺមហារីកទាំងនោះ បានមកធ្វើការប្រជុំគ្នា ដើម្បីវិភាគអាការៈនៃជំងឺ រិះរកការព្យាបាលមួយដែលមានប្រសិទ្ធភាពខ្ពស់បំផុត សាកសមបំផុតទៅនឹងអាការៈនៃជំងឺ។
នៅពេលខាងមុខនេះដែរ មន្ទីរពេទ្យស្តេមហ្វតក្វាងចូវទំនើបផ្នែកមហារីក បានមានគំរោងរៀបចំនូវសិក្ខាសាលាអំពីជំងឺមហារីកដែលមានអញ្ជើញនូវវាគ្មិនដែលជាសាស្ត្រាចារ្យឯកទេសជំងឺមហារីកដែលមកពីប្រទេសចិនផងដែរ។ ប្រសិនបើលោកអ្នកមានចំណាប់អារម្មណ៍ លោកអ្នកជាទំនាក់ទំនងមកកាន់យើងខ្ញុំ។
សំរាប់ព័ត៌មានបន្ថែមអំពីជំងឺមហារីក សូមទំនាក់ទំនងទូរស័ព្ទលេខ៖ 023 96 8888 / 089 96 8888
តាមរយៈវេបសាយ ៖ http://www.asiancancer.com/cambodia/
តាមរយៈហ្វេសប៊ុក ៖ https://www.facebook.com/cambodiacancerhospital/
ចែករំលែកព័តមាននេះ