រាជធានីភ្នំពេញ ៖ គ្រូបង្ហាត់បាល់ទាត់នារីជម្រើសជាតិកម្ពុជា កញ្ញា កេង ចាន់នូ បាននិងកំពុងស្ថិតនៅក្នុងការសង្គ្រោះបន្ទាន់នៅខេត្តបាត់ដំបង បន្ទាប់ពីជួបគ្រោះថ្នាក់ចរាចរណ៍បណ្តាលឲ្យបាក់ឆ្អឹងកញ្ចឹង.ក
រាជធានីភ្នំពេញ ៖ គ្រូបង្ហាត់បាល់ទាត់នារីជម្រើសជាតិកម្ពុជា កញ្ញា កេង ចាន់នូ បាននិងកំពុងស្ថិតនៅក្នុងការសង្គ្រោះបន្ទាន់នៅខេត្តបាត់ដំបង បន្ទាប់ពីជួបគ្រោះថ្នាក់ចរាចរណ៍បណ្តាលឲ្យបាក់ឆ្អឹងកញ្ចឹង.ក និងឈាមកកក្នុងក្បាល ។
បើតាម Facebook របស់ក្លិបភ្នំពេញក្រោន កញ្ញា កេង ចាន់នូ ក៍ជាគ្រូបាល់ទាត់សហគមន៍របស់យើង ជាអ្នកចាំទីនិងជាកីឡាការិនីបាល់ទាត់ នៅក្រុម Mighty Girls ខេត្តបាត់ដំបងរយៈពេល ៤ ឆ្នាំ បច្ចុប្បន្នស្នាក់នៅភ្នំពេញ ដើម្បីបន្តការសិក្សានៅសាកលវិទ្យាល័យមួយ និង ជាអ្នករៀបចំការប្រកួតលីកកំពូលរបស់ក្លិបភ្នំពេញក្រោន នៅកីឡដ្ឋាន RSN ផងដែរ។
កញ្ញា កេង ចាន់នូ បានជួបគ្រោះថ្នាក់ចរាចរណ៍រវាងរថយន្តដឹកដី និងរថយន្តដឹកអ្នកដំណើរបុកគ្នាកាលពីវេលាម៉ោង៣និង៣០នាទី រសៀល ថ្ងៃទី២៩ សីហា នៅលើផ្លូវជាតិលេខ៥ ត្រង់ចំណុចភូមិព្រៃដំរី ឃុំព្រៃតូច ស្រុកមោងឫស្សី បណ្តាលឲ្យមនុស្សយ៉ាងហោចណាស់០៩នាក់ស្លាប់ និងរបួស៤នាក់ នាងស្ថិតក្នុងចំណោមអ្នករបួសធ្ងន់ស្រាលទាំង៤នាក់នោះ ៕
ចែករំលែកព័តមាននេះ