ខេត្តត្បូងឃ្មុំ ៖ រោងចក្រកៃច្នៃដើមកៅស៊ូ( TK ) ដែលមានទីតាំងស្ថិតនៅភូមិទួលអង្គ្រង់ ឃុំក្រែក ស្រុកពញាក្រែក ត្រូវអគ្គិភ័យឆាបឆេះផ្សែងហុយទ្រលោម កាលពីវេលាម៉ោង០៥និង៤៥នាទីព្រឹកថ្ងៃទី៣០ សីហា ២០១៦ នេះ ហើយត្រូវបានរថយន្តពន្លត់អគ្គិភ័យរបស់ស្នងការដ្ឋានគរបាលខេត្តចំនួន២គ្រឿងចេញទៅជួយអន្តរាគមន៏៍បាញ់ទឹកពន្លត់ ។
ប្រភពជំហានដំបូងថា ភ្លើងបានឆេះចេញពីគំនរអាចម៍រណាររាលដាលមក ដោយឆេះឈើប្រភេទDC អស់ប្រហែល១០០ម៉ែត្រគីប គិតជាទឹកប្រាក់ប្រហែលជាង២ម៉ឺនដុល្លារ ក្រោមកកិច្ចសហការជាមួយនឹងកម្លាំងអាវុធហត្ថ បានតទុយយោបាញ់ទឹកលើភ្លើងដែលកំពុងតែឆេះនោះ ត្រូវថមថយបន្តិចម្តងៗប្រើប្រាស់ទឹកអស់ចំនួន៩រថយន្ត ទើបគ្រប់គ្រងស្ថានការណ៍បាន ដោយមិនឲ្យភ្លើងឆាបឆេះចូលទៅក្នុងរងការខូចខាតឈើកែច្នៃបន្តទៀត ។
ក្នុងហេតុការណ៏នោះ មិនមានកម្មករណាម្នាក់រងគ្រោះរលាកភ្លើង បើតាមការចុះមកដល់កន្លែងឆេះក្នុង គឺភ្លើងបានឆេះចេញពីគំនរអាចម៍រណារ ដែលកើតមាន២ ទៅ៣ថ្ងៃហើយ ដោយបានឆេះបន្តិចម្តងៗ ហើយកម្មករខ្វះការប្រុងប្រយ័ត្ន ទើបជាហេតុបង្កឲ្យមានអគ្គិភ័យកើតឡើងបែបនេះ ។
រហូតមកដល់វេលាម៉ោង០៩និង៣០នាទីព្រឹកថ្ងៃដដែល កម្លាំងសមត្ថកិច្ចបានគ្រប់គ្រងស្ថានភាព១០០ភាគរយ ដោយភ្លើងនៅឆេះហុយតិចៗ កំពុងតែប្រើប្រាស់រថយន្តបាញ់ទឹកបន្តទៀត បាញ់អស់៩រថយន្ត ហើយរោចក្រកៃច្នឈើកៅស៊ូខាងលើនេះ ។
ចែករំលែកព័តមាននេះ