ខេត្តកណ្ដាល ៖ មេបញ្ជាការរងកងពលតូចដឹកជញ្ជូនលេខ៩០ម្នាក់បានស្លាប់នៅទីបញ្ជាការដ្ឋាន ស្ថិតក្នុងស្រុកអង្គស្នូល ខេត្តកណ្ដាល កាលពីវេលាម៉ោង៣ និង៥០នាទីទៀបភ្លឺ ថ្ងៃទី៣០ ខែសីហា ឆ្នាំ២០១៦ ។
ប្រភពព័ត៌មានបានឲ្យដឹងថា កាលពីរសៀលម្សិលមិញ លោកឧត្តសេមនីយ៍ត្រី ឡុង សាវុធ មេបញ្ជាការរងកងពលតូចដឹកជញ្ជូនលេខ៩០ បានអង្គុយនៅសាឡុងមុខទីបញ្ជាការដ្ឋាន ហើយនិយាយថា «ឈឺគ្រាប់ភ្នែក» មិនបានទៅហូបបាយទេ រួចក៏ចូលទៅសម្រាកក្នុងបន្ទប់លុះដល់ម៉ោងខាងលើ ខ្លួនបានក្រោកមកបន្ទប់ទឹក ស្រាប់តែប្រទះឃើញគាត់ស្លាប់នៅលើសួនច្បារ ខាងមុខទីបញ្ជាការបាត់ទៅហើយ ។
លោក ឡុង សុផាន់ណា ត្រូវជាកូនបង្កើតរបស់ជនរងគ្រោះ បានបំភ្លឺថា ឪពុករបស់ខ្លួនមានជម្ងឺលើសឈាមជាយូរឆ្នាំមកហើយ ។
ក្រោយពេលកើតហេតុ សមត្ថកិច្ចមូលដ្ឋានបានចុះទៅពិនិត្យសាកសព ហើយបានបញ្ជាក់ថា ជនរងគ្រោះសា្លប់ដោយសារខ្យល់គ ។ បច្ចុប្បន្នសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីនៅគេហដ្ឋាន ក្នុងខណ្ឌឫស្សីកែវ ៕
ចែករំលែកព័តមាននេះ