WhatsApp ចែករំលែកទិន្នន័យអ្នកប្រើFacebook
ក្រុមហ៊ុន WhatsApp បានប្រកាសថា ខ្លួននឹងកែប្រែគោលនយោបាយរបស់ខ្លួន ។ សេចក្តីប្រកាសលើកដំបូងនេះធ្វើឡើងចាប់តាំងពីក្រុមហ៊ុនFacebook ចង់ទិញ WhatsApp ក្នុងរយៈពេល៤ឆ្នាំមកហើយ ។
ក្រុមហ៊ុន WhatsApp បានប្រកាសថា ខ្លួននឹងកែប្រែគោលនយោបាយរបស់ខ្លួន ។ សេចក្តីប្រកាសលើកដំបូងនេះធ្វើឡើងចាប់តាំងពីក្រុមហ៊ុនFacebook ចង់ទិញ WhatsApp ក្នុងរយៈពេល៤ឆ្នាំមកហើយ ។ ការកែប្រែគោលនយោបាយនេះ គឺក្រុមហ៊ុន WhatsApp សម្រេចចែករំលែកទិន្នន័យរបស់អ្នកប្រើប្រាស់ជាមួយFacebook។ មូលហេតុនៃការកែប្រែគោលការណ៍ក្រុមហ៊ុនដោយសារក្រុមហ៊ុន Facebook អាចផ្តល់ជម្រើសធ្វើជាមិត្តក្នុងបណ្តាញសង្គមបានល្អ ហើយក្រុមហ៊ុន WhatsApp ក៏ចង់ប្រយុទ្ធប្រឆាំងជាមួយមេរោគក្នុងអីុនធើរណេត និងចង់ផ្តល់ភាពងាយស្រួលសម្រាប់ពាណិជ្ជករក្នុងការទាក់ទងរកស៊ី ទប់ស្កាត់ការផ្សាយពាណិជ្ជកម្មដែលត្រូវបានហាមឃាត់។ នោះមានន័យថាលេខទូរស័ព្ទរបស់អ្នកនៅក្នុងWhatsAppនឹងត្រូវតភ្ជាប់ជាមួយFacebook ឬនិយាយបានថា ពេលអ្នកប្រើប្រាស់អ្នកនឹងទទួលបានការស្នើសុំជាមិត្តកាន់តែច្រើន ហើយព័ត៌មានពាណិជ្ជកម្មក៏កាន់តែច្រើនដូចគ្នា។
ក្រុមហ៊ុន WhatsApp បានបញ្ជាក់ដែរថា បើទោះជាក្រុមហ៊ុនកែប្រែគោលនយោបាយក៏ដោយ ក៏ការសន្ទនារបស់អ្នកជាមួយដៃគូស្ថិតក្នុងការសម្ងាត់ដដែលទាំងក្នុង WhatsApp និង Facebook ហើយលេខទូរស័ព្ទរបស់អ្នកក៏មិនត្រូវបានដឹងដល់ក្រុមហ៊ុនផ្សាយពាណិជ្ជកម្មណាមួយដូចគ្នា ។
លើកពីនេះទៅទៀត ក្រុមហ៊ុន WhatsAppក៏នៅតែផ្តល់ជម្រើសដល់អតិថិជនរបស់ខ្លួនដដែល ដោយបានដាក់សំណួរថា តើអ្នកចង់ចែករំលែកព័ត៌មានរបស់អ្នកដែរឬទេ ? អតិថិជនមានសិទ្ធិជ្រើសរើសព្រមឬមិនព្រម ។
WhatsApp បានបង្ហាញទិន្នន័យថា ក្នុងមួយថ្ងៃអតិថិជនប្រើប្រាស់សេវារបស់ខ្លួនមានចំនួន១០លាននាក់ ៕
ចែករំលែកព័តមាននេះ