លោកយាយទុគ៌តអាយុ៨១ឆ្នាំ បានទទួលអំណោយពីសប្បុរសជន
ខេត្តកំពង់ឆ្នាំង ៖ ទឹកប្រាក់ចំនួន១២ ម៉ឺនរៀល ជា អំណោយដ៏ថ្លៃថ្លារបស់សប្បុរសជន តាមរយៈសារព័ត៌មាន កោះសន្តិភាព ត្រូវបានភ្នាក់ងារយើងប្រចាំខេត្តកំពង់ឆ្នាំង យកទៅប្រគល់ជូនលោកយាយទុគ៌ត
ខេត្តកំពង់ឆ្នាំង ៖ ទឹកប្រាក់ចំនួន១២ ម៉ឺនរៀល ជា អំណោយដ៏ថ្លៃថ្លារបស់សប្បុរសជន តាមរយៈសារព័ត៌មាន កោះសន្តិភាព ត្រូវបានភ្នាក់ងារយើងប្រចាំខេត្តកំពង់ឆ្នាំង យកទៅប្រគល់ជូនលោកយាយទុគ៌ត
ខេត្តកំពង់ឆ្នាំង ៖ ទឹកប្រាក់ចំនួន១២ ម៉ឺនរៀល ជា អំណោយដ៏ថ្លៃថ្លារបស់សប្បុរសជន តាមរយៈសារព័ត៌មាន កោះសន្តិភាព ត្រូវបានភ្នាក់ងារយើងប្រចាំខេត្តកំពង់ឆ្នាំង យកទៅប្រគល់ជូនលោកយាយទុគ៌ត អាយុ៨១ឆ្នាំ ដែលកំពុងរស់នៅយ៉ាងលំបាកជាមួយចៅប្រុសអាយុ១០ឆ្នាំ ក្នុងដីស្ថានីយរថភ្លើងរមាស ក្នុងភូមិស្រែតាជ័យ ឃុំអភិវឌ្ឍន៍ ស្រុកទឹកផុស។ ការប្រគល់អំណោយនេះ បានធ្វើឡើង នៅរសៀលថ្ងៃទី២៨ ខែសីហា ឆ្នាំ២០១៦។
ក្រោយពីទទួលបាននូវព័ត៌មាន ពីទុក្ខលំបាករបស់លោកយាយ អ៊ូ យឿន អាយុ៨១ឆ្នាំ តាមរយៈសារព័ត៌មាន កោះសន្តិភាព ដែល កំពុងរស់យ៉ាងលំបាកដោយបានចៅប្រុសឈ្មោះ ឈិន វីរៈ ហៅ អាចយ អាយុ១០ឆ្នាំ រៀនថ្នាក់ទី ២ ដើររើសអេតចាយ បានប្រាក់បន្តិចបន្តួច ទិញបាយសម្លចិញ្ចឹមលោកយាយនៅក្នុងខ្ទម សង់លើដីស្ថានីយរថភ្លើងរួចមក ក៏មានសប្បុរសជននានា បានយកអំណោយទៅជូនលោកយាយ ខ្លះដោយផ្ទាល់ដៃ ខ្លះតាមរយៈសារព័ត៌មាន កោះសន្តិភាព ជាបន្តបន្ទាប់។
ជាក់ស្តែង ទឹកប្រាក់ ១២ម៉ឺនរៀល ដែលជាអំណោយរបស់សប្បុរសជន ត្រូវបានភ្នាក់ងារយើង យកទៅប្រគល់ជូនលោកយាយ ដោយផ្ទាល់ដៃហើយ កាលពីរសៀលថ្ងៃទី២៨ ខែសីហានេះ។
ក្រោយពីទទួលអំណោយរបស់សប្បុរជនរួចមក លោកយាយ អ៊ូ យឿន បានថ្លែងអំណរគុណ ដល់សប្បុសជនទាំងអស់ជាខ្លាំង និងបានលើកដៃសំពះជូនពរ ដល់សប្បុរជន សូមជួបប្រទះនូវពុទ្ធពរទាំង៤ប្រការ គឺអាយុៈ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
សូមរំឮកថាលោកយាយ អ៊ូ យឿន ត្រូវបានកូនស្រីគាត់ឈ្មោះ ប្រាក់ ដាវី បានចេញទៅរកស៊ី ហើយបានបាត់រហូត ដោយបន្សល់ទុកកូនប្រុសម្នាក់ឈ្មោះ ឈិន វីរៈ ហៅអាចយ ឲ្យគាត់មើលថែ ដោយមិនដែលបានផ្តល់លុយកាក់មកឲ្យគាត់១រៀលឡើយ រហូតលោកយាយបានធ្លាក់ខ្លួនពិការ កាលពី២ឆ្នាំមុនដោយធ្លាក់ពីលើគ្រែ៕
ចែករំលែកព័តមាននេះ