ខេត្តក្រចេះ ៖ ក្រោយពីមានការចុះស្រាវជ្រាវរហូតឈានមានការចាប់ឃាត់ខ្លួនសាកសួររបស់កម្លាំងនគរព្រហ្មទណ្ឌស្រុកសំបូរ និងនគរបាលព្រហ្មទណ្ឌខេត្ត ដោយរកឃើញថា ជនសង្ស័យដៃដល់ក្នុងអំពើបាញ់ប្រហារ មកលើប្រជានេសាទក្នុងស្រុកសំបូរ គឺពិតជាក្រុមសមាជិកសហគមន៍នេសាទស្រុកសំបូរប្រាកដមែន ។
បុរសសង្ស័យម្នាក់ត្រូវចាប់ខ្លួនបាន កាលពីរសៀលថ្ងៃទី២៨ សីហា ស្ថិតលើកោះមួយនៅកណ្តាលទន្លេមេគង្គនៃស្រុកសំបូរ និងដកហូតបានអាវុធធុនអាកា១ដើម ដែលត្រូវយកទៅលាក់នៅលើចុងឈើលើកោះ ។ ជនសង្ស័យឈ្មោះនិល ខាន អាយុ៤៨ឆ្នាំ មានទីលំនៅ ភូមិពន្ឋជា ឃុំអូរគ្រៀង ស្រុកសំបូរ ។
ការចាប់ឃាត់ខ្លួន គឺក្រោយពីស្រាវជ្រាវថា មានជាប់សង្ស័យ និងករណីបាញ់ប្រហារ ជាច្រើនគ្រាប់ លើប្រជានេសាទ កាលពីថ្ងៃទី២៦ សីហា ក្នុងនោះបង្កឱ្យបុរសម្នាក់ឈ្មោះឃឹម សុខន អាយុ២១ឆ្នាំ រស់នៅក្នុងស្រុកសំបូរ រងរបួសធ្ងន់ត្រង់ចង្កេះ ខណៈជនរងគ្រោះនិងអ្នកភូមិ២នាក់ទៀត ជិះទូកចុះទឹកត្រឡប់ពីលើកលប ដែលបានដាក់ក្នុងតំបន់សហគមន៍ ដែលជននេះ និងកូនជាអ្នកគ្រប់គ្រង ។
ចែករំលែកព័តមាននេះ