មានពាក្យលេចឮពីការបាញ់ប្រហារកាលពីថ្ងៃទី២៨ សីហា នៅព្រលានយន្តហោះអន្តរជាតិក្រុងឡូសអេនចឺឡេស សហរដ្ឋអាមេរិក ។
យោងតាមសាក្សីទាំងឡាយថា ព្រលានយន្តហោះនៅត្រូវជម្លៀសមនុស្សចេញមួយផ្នែក ហើយចរាចរណ៍អាកាសត្រូវផ្អាក ។ ពួកអ្នកដំណើរបានបង្ហោះតាមបណ្តាញសង្គមនូវរូបថត និងវីដេអូបង្ហាញពីមនុស្សភ័យជ្រួលច្របល់ រត់ចេញពីព្រលានយន្តហោះនេះ ។ ប៉ូលិសត្រូវបានកេណ្ឌប្រមូល ហើយយោងតាមសារព័ត៌មានអាមេរិកថា ការបាញ់ប្រហារអាចកើតមាននៅបរិវេណ TERMINAL ទី៥ ។ ពាក្យចចាមអារ៉ាមពីការបាញ់ប្រហារបណ្តាលឱ្យមនុស្សម្នាភ័យជ្រួលច្របល់ ហើយអ្នកដំណើរមួយចំនួនរត់ចោលអីវ៉ាន់របស់ពួកគេ ។
យោងតាមប៉ូលិសថា ព័ត៌មានអំពីការបាញ់ប្រហារនេះពុំមានមូលដ្ឋានឡើយ ហើយនេះជាការប្រកាសអាសន្នខុសមួយ ។ ព័ត៌មាននេះដែលនិយាយពីការបាញ់ប្រហារតាមពិតទៅជាការច្រឡំសំឡេងដែលឮខ្លាំងប៉ុណ្ណោះ ។ អ្នកនាំពាក្យប៉ូលិសក្រុងឡូសអេនចឺឡេសសរសេរតាម TWITTER ថា ពុំមានការបាញ់បោះណាមួយ ឬក៏មនុស្សណាម្នាក់រងរបួសឡើយ ៕
ចែករំលែកព័តមាននេះ