កាលពីថ្ងៃទី២៥ សីហា ២០១៦ ទស្សនាវដ្តី Forbes របស់អាមេរិក បានបង្ហាញចំណាត់ថ្នាក់តារាសម្តែងប្រុសមានចំណូលខ្ពស់បំផុតក្នុងឆ្នាំ២០១៥ គឺចំណាត់ថ្នាក់ទី១ បានទៅលើលោក Dwayne Johnson ឬ «The Rock» អតីតកីឡាកាសអាយុ៤៤ឆ្នាំ ។ ចំណូលរបស់គេគិតពីអំឡុងខែមិថុនា ២០១៤ ដល់ខែមិថុនា ២០១៥ ចំនួន៦៤,៥លានដុល្លារ ។
«The Rock» បានចូលរួមសម្តែងក្នុងរឿង «Central Intelligence» នៅក្នុងឆ្នាំ២០១៦នេះ ចំណែក២រឿងទៀតកំពុងថត និងគ្រោងបញ្ចាំងនៅឆ្នាំក្រោយ គឺរឿង «Fast 8» និង «Baywatch» ។ ក្រៅពីនេះ The Rock បានចូលរួមសម្តែងក្នុងរឿង «Ballers» ដែលបញ្ចាំងនៅស្ថានីយទូរទស្សន៍ «Cable HBO» ។
សម្រាប់លំដាប់ទី២ គឺលោក Jackie Chan ឬឈិន ឡុង មានចំណូល៦១លានដុល្លារ ។ បន្ទាប់មកគឺលោក Matt Damon ស្ថិតក្នុងលំដាប់ទី៣ មានចំណូល៥៥លានដុល្លារ ។ លោក Tom Cruise រកបាន៥៣លានដុល្លារ ស្ថិតនៅលំដាប់ទី៤ ។ ចំពោះលោក Robert Downey Jr ជើងឯកចាស់៣ជំនាន់ ស្ថិតនៅចំណាត់ថ្នាក់ទី៩ រកចំណូលបាន៣៣លានដុល្លារ។ ដោយឡែក តារាសម្តែងស្ត្រីរកចំណូលបានច្រើនចំណាត់ថ្នាក់ទី១បានទៅលើនាង Jennifer Lawrence មានចំណូល៤៦លានដុល្លារ ៕
ចែករំលែកព័តមាននេះ