រាជធានីភ្នំពេញ ៖ ទីបំផុតទៅមន្ត្រីតំណាងស្ថានទូតវៀតណាមប្រចាំកម្ពុជាមិនបានចេញមកទទួលញ្ញត្តិទាមទារតវ៉ារបស់គណបក្សយុវជនកម្ពុជានោះទេ ប៉ុន្តែអភិបាលរងខណ្ឌចំការមន លោក កែវ សំណាង
រាជធានីភ្នំពេញ ៖ ទីបំផុតទៅមន្ត្រីតំណាងស្ថានទូតវៀតណាមប្រចាំកម្ពុជាមិនបានចេញមកទទួលញ្ញត្តិទាមទារតវ៉ារបស់គណបក្សយុវជនកម្ពុជានោះទេ ប៉ុន្តែអភិបាលរងខណ្ឌចំការមន លោក កែវ សំណាង បានចេញមកទទួលជំនួសដោយបញ្ជាក់ប្រាប់ថា ខាងមន្ត្រីស្ថានទូតវៀតណាមជាប់រវល់ ។
យ៉ាងណាក៍ដោយ ប្រធានគណបក្សយុវជនកម្ពុជា លោក ពេជ្រ ស្រស់ បានប្រាប់អ្នកសារព័ត៌មានអំឡុងពេលយកញ្ញត្តិទៅដាក់នៅស្ថានទូតវៀតណាមនាព្រឹកថ្ងៃទី២៩ សីហា ២០១៦ថា គណបក្សរបស់លោកទុកពេលឲ្យស្ថានទូតវៀតណាម៣០ថ្ងៃដើម្បីឆ្លើយតប ហើយថាបើហួសរយៈពេលនេះ លោកនឹងដឹកនាំសមាជិកបក្សនិងអ្នកគាំទ្រ១ម៉ឺននាក់មកតវ៉ានៅមុខស្ថានទូតវៀតណាម ។
បើតាមញ្ញត្តិតវ៉ារបស់គណបក្សយុវជនកម្ពុជា គឺទាមទារឲ្យរដ្ឋាភិបាលវៀតណាម ចេញសេចក្តីថ្លែងការណ៍មួយជាសាធារណៈ ដើម្បីបញ្ជាក់គោលជំហររបស់ខ្លួនឲ្យបានច្បាស់លាស់ក្នុងការបឈ្ឍប់សកម្មភាពរំលោភបូរណភាពទឹកដីកម្ពុជា និងរដ្ឋាភិបាលរបស់ប្រទេសវៀតណាម ត្រូវតែរុះរើគ្រប់សំណង់ទាំងឡាយណា ដែលបានសាងសង់នៅតំបន់ហាមឃាត់តាមព្រំដែនកម្ពុជា – វៀតណាមគ្រប់កន្លែង និងលុបស្រះដោយគ្មានលក្ខខណ្ឌ ព្រមទាំងត្រូវបញ្ឈប់បន្ទាន់ចំពោះសកម្មភាពប្រើហិង្សាលើប្រជាពលរដ្ឋខ្មែរ ដែលរស់នៅតាមបណ្តោយព្រំដែនកម្ពុជា-វៀតណាម ។
ការដាក់ញ្ញត្តិតវ៉ារបស់គណបក្សយុវជនកម្ពុជានាព្រឹកថ្ងៃចន្ទនេះដែរ ក៍ធ្វើឡើងនៅទន្ទឹមគ្នានឹងគណៈកម្មការចម្រុះខណ្ឌសីមានិងបោះបង្គោលព្រំដែនរវាងប្រទេសទាំងពីរកម្ពុជា-វៀតណាម បានបើកិច្ចប្រជុំចង្អៀតមួយនៅវិមានសន្តិភាព ទីស្តីការគណៈរដ្ឋមន្ត្រីផងដែរ ។
ប្រភពពីមន្ត្រីទីស្តីការគណៈរដ្ឋមន្ត្រីបានឲ្យដឹងថា របៀបវារៈចំនួន៣ ត្រូវដាក់បញ្ចូលទៅក្នុងកិច្ចប្រជុំចង្អៀតខាងលើដើម្បី ពិភាក្សាក្នុងនោះមាន៖ ០១-ពិនិត្យលើពង្រាងលិខិតដែលនាយករដ្ឋមន្ត្រីនៃប្រទេសទាំងពីរបាន ឯកភាពចុះហត្ថលេខាជាមួយគ្នា ដើម្បីស្នើឲ្យប្រធានាធិបតីបារាំង ជួយបញ្ចូនអ្នកជំនាញបច្ចេកទេសនិងផែនទី ។ ០២-ពិនិត្យលើចំណុចទាំងប៉ុន្មានដែលសម្តេចតេជោ ហ៊ុន សែន បានស្នើទៅភាគីវៀតណាម និងរបៀបវារៈទី០៣-ពិនិត្យលើបាតុភាពនៅតាមព្រំដែនដូចជា ការជីកស្រះ ការសាងសង់ផ្លូវនិងប៉ុស្តិ៍ព្រំដែននៅតំបន់ស ៕
ចែករំលែកព័តមាននេះ