រាជធានីភ្នំពេញ ៖ បុរសម្នាក់ជាអ្នករត់ម៉ូតូឌុបត្រូវ ជនសង្ស័យហៅដឹកក្នុងតម្លៃ២ម៉ឺនរៀល ស្រាប់ជននោះធ្វើសកម្មភាពវាយប្លន់យកម៉ូតូទៅបាត់ ស្ថិតចំណុចផ្លូវព្រះមុនីរ៉េត (មុខផ្សារស្ទឹងមានជ័យចាស់) ក្នុងភូមិភ្នៀត សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១០យប់ថ្ងៃទី២៨ សីហា ២០១៦ ។
រាជធានីភ្នំពេញ ៖ បុរសម្នាក់ជាអ្នករត់ម៉ូតូឌុបត្រូវ ជនសង្ស័យហៅដឹកក្នុងតម្លៃ២ម៉ឺនរៀល ស្រាប់ជននោះធ្វើសកម្មភាពវាយប្លន់យកម៉ូតូទៅបាត់ ស្ថិតចំណុចផ្លូវព្រះមុនីរ៉េត (មុខផ្សារស្ទឹងមានជ័យចាស់) ក្នុងភូមិភ្នៀត សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១០យប់ថ្ងៃទី២៨ សីហា ២០១៦ ។
ជនរងគ្រោះឈ្មោះណុប សេត អាយុ៣១ឆ្នាំ ជាអ្នករត់ម៉ូតូឌុប ស្នាក់នៅភូមិអង្គ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅឃុំពោធិ៍អង្គក្រង ស្រុកបសេដ្ឋ ខេត្តកំពង់ស្ពឺ ។ ម៉ូតូដែលជនសង្ស័យប្លន់បានម៉ាកហុងដាឌ្រីម ស៊េរី២០១៥ ពណ៌ខ្មៅ ពាក់ស្លាកលេខកំពត1I.3678 ។
ប្រភពពីជនរងគ្រោះនិយាយថា មុនពេលកើតហេតុ ជនសង្ស័យមានគ្នា២នាក់ បានហៅម៉ូតូគាត់ឱ្យឌុបពីមុខសាលាសុវណ្ណភូមិ ជិតសង្កាត់ចោមចៅ ខណ្ឌពោធិ៍សែនជ័យ ឆ្ពោះទៅមុខផ្សារស្ទឹងមានជ័យចាស់ (ក្នុងតម្លៃ២ម៉ឺនរៀល) ខណៈជិះមកដល់មុខផ្សារស្ទឹងមានជ័យ ដែលជាកន្លែងស្ងាត់ ស្រាប់តែជនសង្ស័យឱ្យឈប់ ដោយមិនដឹងថា ជនសង្ស័យយករបស់អ្វីវាយទេ បណ្តាលឱ្យរងរបួសបែកមុខផ្នែកខាងស្តាំ ហើយជនសង្ស័យជិះម៉ូតូយកទៅបាត់ ។
ក្រោយពេលកើតហេតុ ជនរងគ្រោះមកដាក់ពាក់បណ្តឹងនៅប៉ុស្តិ៍នគរបាលរដ្ឋបាលស្ទឹងមានជ័យអន្តរាគមន៍តែម្តង ។
ចែករំលែកព័តមាននេះ