រាជធានីភ្នំពេញ ៖ បេក្ខនារីក្នុងកម្មវិធីThe voice រដូវកាលពីទី២ កញ្ញារ៉េត ស៊ូហ្សាណា បានត្រៀមចេញអាល់ប៊ុមចម្រៀងលើកដំបូងនៅក្នុងផលិតកម្មរស្មីហង្សមាស ។
អាល់ប៊ុមចម្រៀងរបស់រ៉េត ស៊ូហ្សាណា
រាជធានីភ្នំពេញ ៖ បេក្ខនារីក្នុងកម្មវិធីThe voice រដូវកាលពីទី២ កញ្ញារ៉េត ស៊ូហ្សាណា បានត្រៀមចេញអាល់ប៊ុមចម្រៀងលើកដំបូងនៅក្នុងផលិតកម្មរស្មីហង្សមាស ។
អាល់ប៊ុមចម្រៀងរបស់រ៉េត ស៊ូហ្សាណា ដែលនឹងត្រៀមចេញនេះមានចំណងជើងថា «ឈប់» ទាំងបទភ្លេង និងទំនុកច្រៀងនិពន្ធថ្មី ។ អាល់ប៊ុកដំបូងនេះចេញរួមជាមួយតារាចម្រៀងលោក Step ។
តាមរយៈហ្វេសប៊ុករបស់លោកStep កាលពីពេល ថ្មីៗកន្លងមកបានបង្ហាញពីសកម្មភាពក្នុងដំណើរការថតនៅទីកន្លែងមួយចំនួន ។ Step និយាយថា រ៉េត ស៊ូហ្សាណា គឺជានារីម្នាក់មានសមត្ថភាព និងងាយស្រួលធ្វើការជាមួយ ។
មុនពេលចេញជាMVក្រុមហ៊ុនរស្មីហង្សមាសបានបង្ហោះឃ្លីបចម្រៀងបទ «ឈប់» របស់ រ៉េត ស៊ូហ្សាណា តាមហ្វេសប៊ុក ហើយមានអ្នកចូលទស្សនាប្រមាណ៣០ម៉ឺននាក់ក្នុងរយៈពេលតែ១៧ម៉ោងប៉ុណ្ណោះ ។
តាមរយៈការគាំទ្រច្រើននេះ ក្រុមហ៊ុនរំពឹងទុកថា MV របស់កញ្ញារ៉េត ស៊ូហ្សាណា នៅពេលចេញលក់នាពេលខាងមុខនឹងទទួលបានការគាំទ្រច្រើនពីទស្សនិកជន ខណៈពេលបេក្ខជនចំណាត់ថ្នាក់លេខ១ លោកថែល ថៃ កំពុងតែចេញបទចម្រៀងរបស់ខ្លួនដែរ ។
កញ្ញារ៉េត ស៊ូហ្សាណា គឺជាបេក្ខនារីមានភាពប្រកួតក្នុងកម្មវិធីThe Voice រដូវកាលទី២ ហើយលេចធ្លោលើការច្រៀងជាភាសាអង់គ្លេស។ ហ្សាណាបានឡើងទៅវគ្គ Live Show បន្ទាប់ពីយកឈ្នះមិត្តរួមក្រុមកញ្ញាអេង មួយគា នៅក្នុងវគ្គ The battle ដោយពេលនោះនាងបានច្រៀងបទ «Girl on fire» ។
មុននឹងជាប់ដល់វគ្គពាក់កណ្តាលផ្តាច់ព្រ័ត្រនេះរ៉េត ស៊ូហ្សាណា រងការរិះគន់ផងដែរពីទស្សនិកជន ចំពោះការច្រៀងតែភាសាបរទេស មិនព្រមច្រៀងជាភាសាខ្មែរ ។
បន្ទាប់ពីការរិះគន់នោះរ៉េត ស៊ូហ្សាណា និងគ្រូបង្វឹកឱក សុគន្ធកញ្ញា សម្រេចឲ្យនាងច្រៀងបទភាសាជាតិវិញ តែបទចម្រៀងចុងក្រោយដែលនាងច្រៀង មិនបានធ្វើឲ្យនាងឡើងទៅដល់វគ្គផ្តាច់ព្រ័តឡើយ ។
បទចម្រៀងលើកដំបូងក្នុងផលិតកម្មរស្មីហង្សមាសរបស់កញ្ញារ៉េត ស៊ូហ្សាណា ច្រៀងជាភាសាជាតិ ៕
ចែករំលែកព័តមាននេះ